Shillong, Jylliew 30 : Ka Kynhun Myntri ka Sorkar Jylla ha ka sngi Ba-ar, kala mynjur ban pynskhem ia ka jingshakri jong ki 38 ngut ki nongtrei adhoc kiba la shah thungkam ha lane hashuwa ka 31 tarik Nohprah, 2007, na ki kam bala mang ka Sorkar.
Haba pynbna ia kane hadien ba pyniaid ia ka jingialang, u Myntri Rangbah Conrad K Sangma ula ong “Ngi la mynjur ban pynskhem ia ka jingshakri ki 38 ngut ki nongtrei adhoc kiba la shah thungkam ha lane hashuwa ka 31 tarik Nohprah 2007 na ki kam bala mang ka Sorkar”.
U Myntri Rangbah ula ong ba ia kane ka rai la shim kat kum ka hukum thungkam pura ba shisien leh jong ka Supreme Court.
U Conrad ula ong ba watla ia ki original sanction order jong kine ki kam ym shym la lah shuh ban lapdien, ka Sorkar kala pynshisha ia kane ka jingthungkam lyngba ki kot ki sla na ka treasury, ka jingsiew tulop bad kiwei kiwei.
Ula bynrap ba kane ka sienjam ka long shibynta jong ka jingpyrshang ka Sorkar ban pynkut noh ia ka jingdon ki nongtrei adhoc.
