Shillong, Risaw 29 : Ka Sorkar Jylla kala ai jingmynjur ban thungkam pura noh ia palat 283 ngut ki special educators ( ki nongai jinghikai ba kyrpang) ha ka Jylla.
Ia kane ka rai la shim ha ka jingialang jong ka Kynhun Myntri kaba la pyniaid da u Myntri Rangbah ka Jylla Conrad K Sangma ha ka sngi Balang.
Haba kren sha ki lad pathai khubor hadien ka jingialang, u Myntri Sorkar bad Nongaiktien ka Sorkar MDA Bah Wailadmiki Shylla ula ong “Ka Kynhun Myntri kala ai jingmynjur ban thungkam pura ia ki special educators bad ki kam kiba iasyriem bad ki kumba la kdew ha ka hukum ka Iingkashari Supreme Court”.
Ula pyntip ba ia mynta, ki don 283 ngut ki special educator kiba trei kum ki contract bad ka Kynhun Myntri kala mynjur ban plie ia ka lynti ban thungkam pura noh ia ki.
