Shillong, Jylliew 27: Ka Kynhun Myntri hynne ka sngi nyngkong, kala ai jingmynjur ia ka jingpynkylla thymmai ia ki kyndon ka Meghalaya Minor Minerals Concession Rules, 2016.
Haba kren sha ki lad pathai khubor, u Myntri Rangbah Conrad Kongkal Sangma ula ong ba ka Rule ba mynshwa kam shym la kren shai satia bad namar ki katto katne ki kyndon, ki Tnad bapher bapher ka Sorkar kim shym la ai jingbit satia ban tih shyiap.
“Mynta hadien kane ka rai bala shim, kala shai kdar ba kino kino kiba kwah tih shyiap na ki Wah kin sa ioh noh ia ki mining license lane lease (aiwai) kat kum kane ka jingpynkylla thymmai ia ki kyndon” ula ong
Ha kajuh ka por, ka Kynhun Myntri kala ai jingmynjur ruh ia ka Meghalaya Protection of Invest Depositors Financial Establishment Rules.
