Shillong, K’lyngkot 15 : Ka Kynhun Myntri ka Sorkar Jylla ha ka sngi Balang kala mynjur ia ka jingtyrwa ban thaw bad shna ia ki kyndon na ka bynta ka Art & Heritage Award.
Haba kren sha ki lad pathai khubor, u Myntri Rangbah Conrad K Sangma ula ong ba ka Tnad Arts & Culture kala tyrwa ban ai khusnam sha ki briew kiba don bynta ha ki kam shna dur, ki ban kynthup ia ki bynta bapher bapher naduh ka performing arts haduh ka jingrwai tynrai, ka shad tynrai, ki skit tynrai bad ka theatre, ka jingtrei kti, bad kiwei kiwei.
“Kan sa don ka Committee, ka ban khlieh da u Chief Secretary bad kiwei ki Dkhot na ka Tnad Arts & Culture ki ban sa jied ia ki briew, k aba lah ban leh da kaba shu jied bad ruh da kaba shu aplai, kiba dei hok ban ioh khusnam, ia kaban sa leh manla u snem” ula pyntip.
