Shillong, K’lyngkot 15 : Ka Sorkar Jylla ha ka sngi Balang kala rai ban pynkylla ia ka Meghalaya State Anthem da kaba pynrung lang noh ia ka ktien Pnar ha ki kyntien (lyrics).
Haba pynbna ia kane ka rai hadien ka jingialang ka Kynhun Myntri, u Myntri Rangbah Conrad K Sangma ula ong “Nga kmen eh ban pynbna ba ka kynhun Myntri kala rai mynta ka sngi ban pynkylla ia ka Meghalaya State Anthem bad ngi kmen eh ban kynthup ia katto katne lain ha ka ktien Pnar hapoh ka State Anthem”.
“Ia kane yn sa pyllait ha ka Meghalaya Games, ka ban long ha Wahiajer ha Ri-lum Jaintia bad ngin sa tem ia ka ha kane ka sngi” ula bynrap.
U Myntri Rangbah u pyntip ba ia kane ka rai la pynshong nongrim halor ki katto katne ki jingai jingmut na ki nongmihkhmat ka Ri-lum Jaintia khamtam u Symbud Myntri Rangbah Bah Sniawbhalang Dhar bad ki riew paidbah.
.){kind=link}