Shillong, Rymphang 07: Ka Myntri ka tnat ka koit ka khiah Kong Ampareen Lyngdoh hynne ka sngi Balang, kala pynbna ba ka Sorkar kala mynjur ban kyntiew 6% ka tulop kaba duna eh, ia ki Nongtrei ka 108 EMRI kaban shong ruh kat kum ka jingheh snem ha ka jingtrei ia ka kam.
Hadien ka jingialang bad ka Meghalaya EMRI Workers Union (MEMRIWU), ka Kong Ampareen kala pyntip ba ka Union kala aiti daka dorkhas kaba donkam ban pynbeit kyrkieh.
Haba pynpaw ka jingsngewkmen, u President ka MEMRIWU u Bah Roipar Kharaswai, ula ong ba baroh ki nongtrei 108 kila mynjur lang ban pdiang iaka jingkyntiew 6% ka tulop katkum ka jingheh snem ba ki don ha ka kam.
Naka liang ka Kong Ampareen kala ong ba ka jingkhot thep Tender kam shym la treikam bha satia bad kumta ka Sorkar kam pat lah ban aiti ban pyniaid ia ka nongkynti bad jingpyniaid ia ki kali 108 sha ka Company thymmai.
Kala ong ka Sorkar kala rai ban shimkhia iaki jingdawa ki nongtrei kiba hap hapoh ka Unorganized Sector, khamtam haba iadei bad ki lad jingmyntoi kum ka EF, ka shuti, ka Health Insurance bad kiwei kiwei.
“Nga kmen ba ki nongtrei 108 kila hun bad ka Sorkar kan shim khia hapoh 1-2 bnai haba iadei bad ka jingkhot Tender ban pyntreikam iaki kali 108” kala ong.
