Shillong, Nohprah 13 : Ka Sorkar Jylla hynne ka sngi ba-ar kala mynjur ban pynkylla thymmai ia ki kyndon jong ka Meghalaya Health Service Rule bad pynrung ruh ia ka Meghalaya Medical Service Recruitment Board (MSRB) hapoh kane ka Rule.
Cabinet has approved the amendment to the Meghalaya Health Service Rules to include the Meghalaya Medical Service Recruitment Board in the rules so that the MMSRB can function and conduct necessary exams & recruitment for vacancies in doctors’ posts in the State@mansukhmandviya pic.twitter.com/ZaeVWXSruy
— Conrad Sangma (@SangmaConrad) December 13, 2022
Ia kane ka rai la shim ha ka jingialang jong ka Kynhun Myntri bala pynaid da u Myntri Rangbah ka Jylla Conrad K Sangma uba la ong ba mynta ka MSRB kala lah ban treikam bad ban pynlong ia ki eksam bad jingthungkam ha ki kam doktor ba lait hapoh ka Jylla.
Ha kajuh ka por, u Myntri Rangbah ka Jylla ula pyntip ba ka National Human Rights Commission kala bthah ia baroh ki Sorkar Jylla ba ki donkam ban ai song jingiarap lada don ki koidi kiba iap.
“Namar kata, halor ka jingbthah ka NHRC, ka Kynhun Myntri kala rai ban ai song jingiarap bad ia kane yn sa pynmih jingpynbna” ula ong.
