Aizawl, Nailar 18: Ka jylla Mizoram kala kylla long ka jaka pdeng jong u jingdih ba sniew kata u drug bad ki kam khaii tuh, namar ka jinglong jingman jong ka khappud kaba laitlan bad ki ri ba marjanojng ka pyrthei.
Ka jingshalan tuh ia ki tiar bad ki mar ki mata kiba la shah khang kam dei tang ma ka kaba pynjynjar ia ka jylla hynrei wat ki mrad ba phylla ruh ki la iakynduh ia kajuh ka jingeh.
“Haduh 1,103 tylli ki mrad ba phyla la ioh ban jurup na kane ka jylla, naduh u bnai Jylliew 2020 kiba thmu ban shalan beain shabar ri jong ka South Asia lyngba ka Myanmar,” la ong u heh ophisar ka Forest jong ka jylla Mizoram.
U la ong, “Kane ka jingioh ban kurup noh kadei ba la leh da ki shipai Assam Rifles, ki Border Security Force, ka tnad Directorate of Revenue Intelligence, ki bad kumjuh ruh ki pulit jong ka jylla ha ryngkat lang bad ka jingiatrei lang bad ki paidbah nong shong shnong kum ki volunteers,”.
“Katba ki jait mrad bapher bapher ki dei ki mrad ba phylla kiba kham bunsien ki ba ioh kurup, baroh ki don palat 500 tylli, kiwei pat ki mrad ba la kem ki kynthup ïa ki jait sim bapher bapher, ki mrad ba her, kynthup ïa ki jait bseiñ bapher bapher bad ki crocodiles,” u la ong.
Ka Jylla Chin jong ka Myanmar ka dei ka jaka ban shalan beaiñ ïa ki drok, ki mrad khlaw ba phylla, areca nut, ka ksiar, bad kiwei kiwei ki tiar ba la khang pyrshah lyngba ki hynriew tylli ki district jong ka Mizoram — ba kynthup ia ka Champhai, Siaha, Lawngtlai, Hnahthial, Saitual, bad Serchhip.
U drug na ka ri Myanmar u wan lyngba ka jylla Mizoram bad sha kiwei de ki jylla ba marjan kum ka Manipur bad nangne sa shalan ne pyniaid iew sha kiwei pat ki ri jong ka pyrthei kum sha Bangladesh. Kiba bun hi ki mrad ba phyla bunsien la ju ioh ban bat bad kurup ha ki bynta jong ka southern bad western India.
La donkam ia ka jingpahara kaba khlain ban tehlakam ia kane ka kam khaii beain. Ki mrad ki shah khaii beain ha ki ri ba marjan ha ka rukom kaba heh. Ka jingkem ia ki mrad dang shen ka la pynpaw ia ka iew kaba heh jong ka jingkhaii beain ia ki mrad. Ka sorkar Mizoram ka la shim ia ki lad ki lynti ban tehlakam ia ka jingma hynrei ha ki katto katne ki rukom la ong ba ki dang shah rem ne ym pat lah satia ban tehlakam,” la ong u environmental activist.
