Aizawl, Naitung 11: U Lathlengliana uba dei u Coach Boxing ka Mizoram, u la shah kem bad shah pynngat hapoh ka kyndon jong ka Protection of Children from Sexual Offences Act (POCSO), 2012 ha ka women police station ha Aizawl.
U la shah kem halor ka jingkynnoh ba u la leh khlemakor ia ki saw ngut ki nongialehkai sub-junior women boxers kiba la mihkhmat ia ka jylla Mizoram ha ka 6th Junior (U-17) Boys and Girls National Boxing Championship kaba la pynlong dang shen ha Haryana Rohtak.
Ki thei ia kura ki la ujor ba u boxing coach u la leh khlemakor ïa ki wat ha ka por ba ki dang shah hikai ha ka jaka ai jinghikai jong ka Mizoram Boxing Association (MIZBA) kaba don ha Ramhlun Sports Complex ha Aizawl.
“Ngi la kem noh ia u boxing coach bad la sdang ia ka jingtohkit. Kine ki khynnah kynthei kila buh da ka jingujor sha ka Child welfare Committee (CWC) ha Aizawl bad hadien kata kila ujor noh da ka ejahar hapoh ka police station,” ong u wei u heh ophisar.
, 2012 ha ka women police station ha Aizawl.){kind=link}