Guwahati, Naitung 11: Kum shi bynta ban pynduh jait ia ki doctor jakoid, saw ngut ki riew shimet kiba ak ialade kum ki Doctor kila shah kem na ki jaka bapher bapher hapoh ka jylla Assam hapoh ki 72 kynta namar ba ki la buh jingma ïa ka koit ka khiah jong ki paidbah bad ki la shet kylla ïa ka jingshaniah jong ki paidbah.
Katkum ki pulit, ia kine la pynngat hapoh ka criminal breach of trust, cheating, and endangering public safety katkum ka ain jong ka Bharatiya Nyaya Sanhita (BNS) bad ki kyndon ba iahap jong ka National Medical Commission (NMC) Act, 2019.
“U wei u doctor thok ia mynta u la phet rieh bad ka jingkthong ban ioh kem ia u kala iaid sha khmat, katba ar ngut la kem na Nagaon ha ka sngi ba-ar bad sa ar ngut pat la kem na Jorhat ha ka sngi Balang hadien ka jingujor ejahar da u Dr. Abhijit Neog, uba dei u Anti-Quackery and Vigilance Officer jong ka sorkar Assam,” la ong u wei u ophisar.
Naduh ba la seng ne thaw ia ka anti-quackery bad ka vigilance cell ha u bnai kyllalyngkot mynta u snem in 2025, 10 ngut ki doctor thok kila shah kem na kylleng ki jaka jong ka jylla.
Na ki 13 tylli ki ejahar kiba la dep ban ujor, shi phew ngut ki riew shimet kila shah kem, u wei u dang phet rieh bad ar tylli ki case ki dang don hapdeng ka jingtohkit.
Na ka liang jong ka unit kala ioh ia ka jingtip ba tikna bha ha kaba iadei bad ki briew kiba pule bad pyrshang sumar briew na ki jaka pule kiba ym don jingtih hapoh jong ka district Nagaon, Hojai bad ha Jorhat.
“Ngi la pynlong shwa ïa ka jingtohkit hi da lade bad ngi la bishar bniah bha ïa ki kot ki sla bad ki kyrdan pule jong kine ki briew. Kiba bun na ki kim don ïa ki kyrdan pule ba dei hok kum ki doktor. Don kiba pyni ïa ki syrnod MBBS thok, katba kiwei pat ki dei kiba don ïa ki kyrdan pule ha ki jait jingsumar bapher bapher ki bym pat ithuh”, la ong uwei u heh sorkar.
Shuh shuh u la bynrap, “Hadien ba la lum ïa ki sabut kiba biang, la register ïa ki FIR sha ki pulit. Katba uwei u suba na Doboka ha Hojai district u dang phet rieh, ïa kiwei pat la ïoh ban kem ki kynthup ia u Bimal Sutradhar na Juria bad u Pankaj Das na Seconee Tea Estate ha Nagaon Gomarth ha ka sngi ba-ar, u AK Gagoi bad u Amarjyoti Nath la kem ha ka sngi Balang na Jorhat.”
