Aizawl, Jymmang 25: U Union Home Minister U Amit Shah u la kyrshan pura ia ka sorkar Mizoram halor ka jingthmu ban pynkha ka Mizo Territorial Army (MTA) battalion ka ban peit kyrpang ha kaba iadei bad ka jingkhaii drug bad kiwei de ki bynta ban teh lakam ia ka shongsuk shong sain.
Lah ban kdew hangne ba ka sorkar Mizoram kala ong ba u Myntri Rangbah u Lalduhoma, ha ka jingleit iuh kjat sha New Delhi, u la ioh ban ia kren ia katto katne ki mat bad u Home Minister mynshem taiew.
Ha ka jingialang, u Amit Shah u la pynpaw ka jingkmen ia ka Mizoram da kaba u la ong ba kadei, “Kawei napdeng ki jylla kaba shongsuk shongsain bha hapoh ka ri India”.
“U Myntri Rangbah u la pynpaw ka jingai khublei ia u Home Minister ba u la kyrshan ia kane ka jingthmu ban don noh da ka Mizo Territorial Army battalion, da kaba bynrap ruh ba ka jingsdang ia kane kan plie ka lad ban ai kam ai jam ia ki khun samla Mizo bad ruh ki ban noh synniang ha kaba iadei bad ka jingshangain jong ka ri” la ong ki heh ophisar.
Shuh shuh kila ia kren ruh halor ka Mizoram Maintenance of Household Registers Bill, 2019, ia kaba la pass hapoh iing dorbar jong ka Mizoram Legislative Assembly kaba la ialam da ka sorkar barim ka MNF (Mizo National Front) bad kane ka dang sahteng ha ka miej jong ka President ka Ri India, la ong ki heh sorkar.
Halor ka jingaiti noh ia ka Lengpui Airport sha ka Airports Authority of India (AAI), u Amit Shah u la kular ban tuklar ban pynsted ha kaba iadei bad kane ka kam.
“Ka sorkar jylla ka duna bha ki briew ki ban teh lakam ia kaba iadei bad ka jingkhaii ia u drug na kylleng ki khappud bad kham ha shwa ka sorkar kala dep ban aiti ia ka jingtyrwa sha ka Ministry of Home Affairs shaphang ban don noh ia kane ka MTA,” u la ong.
Ka kam khaii drug kadei kawei na ki mat ba sngewkhia ba khraw bha hapoh ka jylla Mizoram namar ba ka don don ha khappud bad ka Myanmar. Ka sorkar Mizoram kala shim lut ia ki lad ki lynti ban iakhun pyrshah ban teh lakam ia ka jingioh khaii ia u drug.
 battalion ka ban peit kyrpang ha kaba iadei bad ka jingkhaii drug bad kiwei de ki bynta ban teh lakam ia ka shongsuk shong sain.){kind=link}