Aizawl, Lber 27: Ka Lalhlupuii Ralte ka nongtrei kam lajong na Mizoram ka la long ka nongai mynsiem na ka bynta kiwei pat lyngba ki jingtrei jingktah kiba kham pher.Kane ka briew ka don ka jingsngewtynnad ban pynlut por na ka bynta ban sumar bad pynneh pynsah ia ki jingthung jingtep tynrai jong ka thain, bad ka jingsdang ia kane ka kam lyngba ka Zo Bio Hub ka la kylla long ka nuksa ba phyrnai lyngba kane ka jingiohi jngai ka jong ka.
Ia kane ka Zo Bio Hub ka Ralte ka la sdang nyngkong eh ha ka snem 2018, bad kaba thmu ban kyntiew bad pynneh ia ki jingthung jingtep tynrai bad ha kajuh ka por ban aibor ia ki kynthei hapdeng ki nongshong shnong ha ki thain nongkyndong.Kane ka jingsdang jong ka Talte kalong ha kaba iadei ba ka thung ka thung ka tep, ka jingpynmih ia ki mar rep bad ka jingpyniaid iew ia ki jingthung jingtep tynrai ha Mizoram.
Kane ka kompeni ka la iatreilang bad ki nongrep kiba dei ki longkmie na ki jaka nongkyndong na ka bynta ban pynmih ia ki mar kiba bha tam lyngba kine ki mar rep ki jong ki, kata kum ki mar umphniang, u slasha ba la pynmih lyngba ki kynbat ne herbal tea, bad ki jingtah jingsleh ba la pynmih lyngba ki mar rep ba pynmih hi da ki nongrep ne ki ‘natural cosmetics.’Da kaba leh kumne ka Zo Bio Hub ym tang ba ka la plie ia ki lad aikam aijam na ka bynta ki kynthei ha ki thain nongkyndong hynrei ka la kyntiew ruh halor ka jingpynsngewthuh ha kaba iadei bad ka jingdonkam ban pynneh pynsah ia ki jingthung jingtep tynrai jong ka thain.
Ka jingtrei jong ka Ralte lyngba ka Zo Bio Hub ka la long ka jingai mynsiem na ka bynta baroh kiba angnud ban trei ia ki kam lajong.Ha u snem 2019 kane ka kompeni ka la ioh pdiang ia ka khusnam kum ka Best Social Enterprise Award hapoh ka North East India Fashion and Design Week kaba long da shisha ka jingnoh synniang kaba khraw shaka thain hi baroh kawei.
Pule lang ia kane: Arunachal: Pyrshah ki seng nongrep ia ka hydropower project kaba10,000 MW ha ka wah Siang
