Aizawl, Nohprah 05: Hadien ka jingshah rem kput ha ka elekshon MLA ba dang shu dep, u Myntri Rangbah bala leit noh ka Mizo National Front (MNF) Zoramthanga, ula iehnohkam hynne ka sngi Ba-ar kum u President ka party.
Haba shim ia ka jingbahkhlieh ia ka jingshah rem, u Zoramthanga ula buh ia ka shithi iehnohkam ha u Vice President ka Party uba dei ruh u Symbud Myntri Rangbah barim u Tawnluia.
U Vice President ka Zoram Peoples’ Movement (ZPM) Laltansanga ula pynliem ia u Zoramthanga da 2101 vote na Aizawl East-I constituency.
Ka MNF kala lah ban jop tang 10 seat na ka 40 seat ha kane ka elekshon. Ka ZPM kala jop haduh 27 seat bad pynkhreh ban thaw ia ka Sorkar ha kine ki khyndiat sngi ban wan.
U Nongialam ka ZPM Lalduhima ula jop na Serchhip constiguency da kaba pynliem ia u kyrtong ka MNF haduh 2982 vote.
Ha u 2018, ka MNF kala jop 26 seat ban weng ia ka congress naka bor. Ka ZPM kala jop tang 8 seat katba ka congress kala hiar sha ka kyrdan kaba lai tang 5 seat haba ianujor ia ka 34 seat baka jop ha u snem 2013.
 Zoramthanga, ula iehnohkam hynne ka sngi Ba-ar kum u President ka party.){kind=link}