Aizawl, Lber 17: Ka ding kaba shyrkhei hynne ka step, kala bam duh iaki 60 tylli ki dukan ha City Centre Treasury market ka nongbah Aizawl, Mizoram.
La iathuh ba ka ding ka la sdang ha ka por 3 baje dang step phyrngap haka Iew kaba don kumba 120 tylli ki dukan die jingdie kynthup, ki dukan die marbam, mar rep bad kiwei kiwei.
Hadien bala ioh jingtip, ki Pulit pynlip ding kila poi sha kane ka Iew bad ki la lah ban tem iaka ding hashuwa ban pur sha kiwei pat ki dukan marjan. La iathuh ba kam shym la don kano kano ka jingjia ba sngewsih na kane ka jingplug ding.
Ki Pulit ki dang pynlong iaka jingtohkit ban lap iaka daw jong ka jingpluh ding bad ki bor district ki dang bishar bniah ia ka jingheh jong ka jingshah pynjulor hashuwa ban shim sienjem ban iarap iaki nongdie jingdie kiba shah ktah namar ka jingpluh ding.
