Shillong, Lber 17 : Ka Sorkar Jylla kala phah ia arngut ki Heh Ophisar ka Tnad Pule Puthi ba kin leit sha Karnataka bad iatreilang bad ki bor District halor ka jingiap uwei u Khynnah skul 13 snem na Meghalaya na ka jingngat bih.
Une u Khynnah skul u dei uba tip kyrteng kum u Heprit Kerlong ba na ka Shnong Lyndem, Pynursla Sub Division.
Nalor une u Khynnah, ki dang don sa 28 ngut kiba la shitom jur hadien ba ki bam ia ka jingbam bala wanrah hapoh ka Hostel ba treikam be-ain jong ka skul shimet kaba don ha ka Shnong T Kagepra ha Malavalli Taluk jong ka Mandya District.
Napdeng kine ki 28 ngut ki khynnah ba shitom la iathuh ab 24 ngut ki dei kiba na Jylla Meghalaya.
Haba shimkhia ia ki khubor ba mih ha ki lad pathai khubor, ka Sorkar lyngba u Director ka School Education & Literacy, kala phah ia arngut ki Ophis ba kin leit sha Karnataka ha kaban iarap lem ia ki bor District bad ruh bad ki kmie kpa jong kine ki Khynnah na Meghalaya.
Kine ki arngut ki Ophis ki dei u Bah P Sunn, Sub Inspector of School, Sub Divisional School Education Officer, Shillong bad u bah R Kharsyntiew, District MIS, PM-POSHAN, Shillong.
La pyntip ba kine ki Ophis kin hap ban aiti ia ka kaiphod halor kane ka jingjia.
La kynnoh ba ka jingiohpang kynsan jong kine ki Khynnah skul kala wan jia hadien ba ki iabam ia ka jingbam bala wanrah da ki bor pyniaid ka Hotel, kaba dei ka bam ba tam na ka jinglehkmen Holon a ki jaka ba marjan.
La kynnoh ruh ba kane ka Hostel ka ju ai bam ia ki khynnah da ki bam bala tam na ki Iingiathoh, ki khawai dawia bad kiwei kiwei.
