-->

Mih surok ka HNYF ban iakhih | Dawa pyndam ia ka “Land Bank” ha ka Investment Act

Date:

Share post:

Shillong, K’lyngkot 16 : Ka Hynniewtrep National Youth Front (HNYF) ha ka sngi Palei kala mih sha surok ha Shillong ban pynpaw ia ka jingpyrshah ia ki kyndon ka Meghalaya State Investment Promotion and Facilitation Act, 2024, haba dawa ba dei ban pynduh pyndam ia ka jingthmu ban thied ban pyllang jaka (Land Bank) na ka Act namar ka long pyrshah ia ka Meghalaya Transfer of Land (Regulation) Act, 1971.

Kane kala wan jia tang shisngi hadien ba ka Kynhun Myntri kala mynjur ia ka kyndon thymmai jong ka Meghalaya State Investment Promotion and Facilitation Act, 2024, kaba thmu ban pynthikna ba kan nym don ka jingiaid lait ia ka Meghalaya Land Transfer Act haba pynshlur ia ka jingwan kynshew kam hapoh ka Jylla.

Haba iakren bad ki nongthoh khubor, u President ka HNYF Bah Sadon Blah ula ong “Ngi donkam ia ka jingkynshew kam, ngi donkam ruh ia ki karkhana hynrei kane ka jingthmu ban wanrah ia ka landbank ka long kaba ma shibun ia ka Jylla”.

U Pyntip ba ka Seng kala dep ban aiti ia ka shithi sha uMyntri Rangbah naduh ka 20 tarik Nohprah 2024, ba pynpaw ia ka jingbym sngewtynnad halor kane ka jingthmu ban thied jaka ka Sorkar ka ban sa ai pat sha ki kompani bapher bapher.

U bah Sadon ula kynnoh ruh ba ka Meghalaya State Investment Promotion and Facilitation Act, 2024 ka dei kaba long pyrshah ia ka Meghalaya Transfer of Land (Regulation) Act, 1971 bad ka rukom bat khyndew hapoh ka Jylla.

“Mynnin, ngi la iohi ba ka Sorkar ka thmu ban weng noh ia ka kyndon34 jong ka MSIPF Act, kaba ka kaba ka phang jong kane ka kyndon ka thoh “ka bor ban iaid lait ïa kiwei pat ki Act” kynthup ïa ki riti bat khyndew hangne hynrei kata kam pat biang namar ka jingthmu jong ka Investment Meghalaya Agency (IMA) hangne ka long ban thaw ïa ka land bank.”

“Katba kane ka jingmut ban thaw ïa ka Land Bank ka dang don, kan don ka jingiatakhuh bad ka Meghalaya Land Transfer Act. Kumta ngi kwah ban phah ïa ka khubor ba ka jingpyndam noh ïa ka kyndon 34 ka dei kaba pdiang sngewbha hynrei kane ka jingmut hi ban thaw ïa ka land bank ka long kaba ma bha ïa ka rukom bat jaka jong ka jylla,” ong u Blah.

U Bah Sadon u pyntip ba ka HNYF kan sa shong ia ka jingialang CEC ha ka taiew ban wan ban rai halor ki sienjam ban sa shim lad aka Sorkar kam pynsngew ia kane ka jingdawa.

Share post:

-->
spot_img

Popular

More like this
Related

Baljek Airport: Lashai yn aiti ka Sorkar ia ka Kad liengsuin sha ka AAI

Shillong, Nov 18: Ka Meghalaya kala pynkhreh ban aiti...

Shillong man gets 6 years RI for heroin peddling in 2019 case

SHILLONG, NOV 18: Seven years after he was caught...

Hukum ka Iingkashari ban set phatok 6 snem ia u nongkhaii droks

Shillong, Naiwieng 18 :Hynniew snem hadien ka jingshah kem...

Ioh bat ka KSU ia 4 ngut ki Bangladeshi | Lap ba siew T.45,000 shi khlieh ia ki agent ban pynrung sha India

Shillong, Naiwieng 18 : Ka Khasi Students’ Union (KSU)-Mawryngkneng...