Shillong, Risaw 21 : U President ka Mawkynrew Block Congress Committee (MBCC) Bah Kansing Lynshiang hynne ka sngi thohdieng, ula mih noh na ka Congress haba pynpaw ba dei na ki daw shimet jong u.
U Bah Kansing ula aiti ia ka shithi iehnohkam ha u President ka Meghalaya Pradesh Congress Committee (MPCC) ma Vincent H Pala.
Ha kajuh ka por, ka khubor kaba ioh lum ka iathuh ba u Ban Kansing u lah ban leit pyniasoh noh sha ka National Peoples Party (NPP) ha ka 26 tarik u Risaw.
U Myntri Rangbah ka Jylla Conrad K Sangma bad Symbud Myntri Rangbah Bah Prestone Tynsong kin leit iashimbynta ha ka rally ban pynlong ha Jongksha bad ban pynbna ia u Bah Kansing kum u kyrtong jong ka NPP na Mawkynrew Constituency.
U Bah Kansing un iakhun pyrshah ia u MLA ka PDF bad Myntri Sorkar Bah Banteidor Lyngdoh ha ka elekshon MLA 2023.
