spot_img

Mih ki paidbah ka Umling Sarang bad FKJGP ban maramot hi ia ka surok

Date:

Share post:

Nongpoh, Nailar 18: Ki paid nongshongshnong ka Umling Sarang lem bad ka FKJGP-Umling Circle, hynne ka sngi kila iamih paidbah ban maramot dalade ia ka surok Umling-Sarang kaba la jot rathai bad shu ieh la bun bun snem.


Ki Nongshongshnong naduh ki Longkmie, ki Longkpa bad ki samla lem bad ki dkhot ka FKJGP kila iamih ryntih ryngkat ki tiar ki tar ba donkam, ban marakot ia baroh shilynter jong kane ka surok kaba 1.5 km, kaba la dap da ki thliew ki syar suda kat shaba phai ki khmat.

Kane ka jingiamih paidbah ka dei kaba la lamkhmat da ka FKJGP-Umling Circle hapoh ka jingialam u samla Banroy Wahlang, kaba la shimkhia halor ka jingud jingnam jong ki paidbah kiba iakynduh jingeh ha ka leit ka wan, ka kit ka bah khamtam lei ha ka pang ka shitom.

U Samla Banroy Wahlang u la ong ruh ba kum ka seng ka dap da ka jingsngewkhia halor ka jingeh ba ki paidbah katei ka shnong ki mad haka leit ka wan namar ka jingjot rathai jong ka surok, bad dei halor katei ka nongrim ba kum ka seng kala shim iaka sienjam ban pynlong da ka jingtrei sngewbha ban maramot.

“Kaba sngewkmen ka long ba naka liang ki paidbah jong katei ka shnong naduh ki longkmie longkpa ki mih ryntih ban snohkti lang bad ka seng “ ula ong.

Na ka liang ka seng kala kyrpad ruh ia ka sorkar ba ka dei ban phaikhmat sha katei ka shnong naka bynta ban pynioh surok rong ban pynsuk iaki paidbah haka leit ka wan bad ka kit ka bah.

Share post:

spot_img
spot_img

Popular

More like this
Related

7-year-old boy dies after falling into an uncovered fire safety tank

Dibrugarh, July 27: A tragic incident unfolded in Dibrugarh...

JHADC fails to submit ₹9.71 crore UCs even after 5 years: CAG

Shillong, July 27: The Jaintia Hills Autonomous District Council...

Lap ka CAG ba pynslem ka JHADC ban aiti ia ki UC ba kot T.9.71 klur

Shillong, Naitung 27: Ka Jaintia Hills Autonomous District Council...

Dr APJ Abdul Kalam fondly remembered in Shillong with seminar, awards & poetry

Shillong, July 27: The Dr. APJ Abdul Kalam Foundation...