Leit ai mynsiem ka HNYF ia ki 7 ngut ki samla kynthup u heprit 11 snem
Nongstoin, Nohprah 08: Phra ngut ki dkhot ka Nongstoin Youth Calisthenic (NYC) kynthup u heprit 11 snem ka rta, kila mih mynta ka sngi Thohdieng na Nongstoin ban leit iashimbynta ha ka lympung ialehkai Gymnastic ka ban long ha Guwahati, Assam ha ka 9 bad 10 tarik.
Kine ki samla ki kynthup ia u Mebanrilang Lyngdoh Marshillong, uba la pawnam lyngba ki video kiba la saphriang ha ki rynsan social media, ba pyni ia ka jingtbit jong u ban leh gymnastic khamtam ka jingkylla ba 360 degree hasuin kaba neh haduh lai kylla, kaba kham niar ban iohi ia kiba lah ban leh.
Kiwei pat ki dei u Biangbor Myrthong, Wallamjingjop Nonglait, Aiborlang Marshyllong, Maitshaphrang Wahlang, Rickyson Khardum, Johnrockson Syiemlieh, bad u heprit Robert Roy Marshillong.
Ka seng Hynñiewtrep National Youth Front (HNYF)-West Khasi Hills hapoh ka jingïalam jong u President bah B.Marbaniang bad u Joint Secretary bah Paskal Nongrum, kila leit iakynduh bad ai mynsiem ia kine ki samla hynne ka sngi katba ki dang ia kilan met ha New Nongstoin, ha ka kyntoit kaba la tip kumka Mawlarshong.
Lah ban kdew hangne baka Nongstoiñ Youth Calisthenic ka la pynlong ïa ka jingïakilan met kaba kyrpang ha kine ki sngi bala leit noh kum shi bynta ban pynkhreh ïa kine ki 8 ngut ki rang ialehkai ba kin leit sha Guwahati.
 kynthup u heprit 11 snem ka rta, kila mih mynta ka sngi Thohdieng na Nongstoin ban leit iashimbynta ha ka lympung ialehkai Gymnastic ka ban long ha Guwahati, Assam ha ka 9 bad 10 tarik.){kind=link}