Shillong, Nailar 16 : Hadien ka jingwan iakren iasuk ka Hynniewtrep National Liberation Council (HNLC), kawei ka kynhun kiengatiar kala mih thymmai ha Ri-lum Khasi Jaintia kaba la tip kyrteng kum ka National Liberation Council of Nongkyndong (NLCN).
Kane ka jingdon jong kane ka kynhun kiengatiar ba thymmai kala paw pyrthei da ka jingioh kem ki Pulit ia bun ki dkhot na kylleng ki jaka jong ka Ri-lum Khasi bad Jaintia Hills ha ka sngi Balang.
Haduh hynniew ngut ki dkhot kane ka kynun kila shah kem tang na East Khasi Hills District, pyntip ki Pulit.
Kiwei pat ki dkhot kila shah kem na kylleng ki jaka ka Ri-lum Khasi bad Jaintia Hills, kila iathuh.
Kat kum ka jingiathuh u Dy Inspector General of Police (Eastern Range) David Nestell R Marak, la iathuh ba kane ka kynhun kala iatehlok bad ka kynhun kaikhlaw na Nagaland (NSCN) bad kala dei ban phah ia ka kynhun ki dkhot ka 1st Batch ban leit hikai siat sha Nagaland ha ka 17 tarik Nailar, 2023.
U pyntip ba halor kane ka jingioh khubor, ki Pulit kila pynlong ia ka jingkhynra hynne ka step sngi balang bad kila ioh ban kem ia 7 ngut ki briew na kylleng ki jaka ka Ri-lum Khasi bad Jaintia kynthup ia uwei u Khynnah.
Une u Heh Pulit u pyntip ba napdeng kine kiba shah kem, uwei u dei u Chairman, u Commander-in-Chief, u General Secretary, bad ki Area Commander ka West Khasi Hills bad Jaintia Hills, uwei u nongpynrung dkhot bad uwei pat uba buh jingthoh lem bad 3 ngut ki ehrang.
Ki Pulit kila register case ia kine ki briew hapoh ka Crime Branch Police Station, Eastern Range bad la pynngat ia ki hapoh ka kyndon IPC bad Unlawful Activities (Prevention) Act.
Ka jingtohkit ia kine ki briew kala iaid shakhmat ban lapdien ia kiwei pat ki dkhot jong kane ka seng thymmai.
Haba kylli, ki Pulit kila pynpaw ba kim pat lah satia ban tip naduh mynno kane ka kynhun kiengatiar kala don bad katno ngut ki dkhot kala don nalor ki tiar ialeh.
Pule lang ia kane: Shongkun ka jingrakhe ID ha Patharkhmah hadien ka jingioh Civil Sub Division ba pura
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
