Umiam, Nailur 07 : Ki dkhot ka Khasi Students’ Union (KSU)-North Khasi Hills District, ha ka sngi Nyngkong, kila pynlong ia ka jingiakhih ba jai jai bad pdiang da ki placard ia ka jingwan Shillong ba arsngi u Vice President ka Ri India CP Radhakrishan.
Ki dkhot ka KSU kila pynlong ia kane ka jingiakhih ban pynpaw ia bun tylli ki mat jingdawa jong ka seng kiba ktah ia ka Jylla bad khamtam eh ia ka Jaidbynriew Khasi.
Napdeng ki mat jingdawa ba hakhmat eh ka dei ka jingpyntreikam ia ka Inner Line Permit (ILP) ha Jylla, ka jingpynrung ia ka ktien Khasi ha ka Khyrnit ba Phra ka Riti Synshar ka Ri, bad ki sienjam ban pynbeit noh ia ki kynrum kynram kiba don hapoh ka North Eastern Indira Gandhi Regional Institute of Health and Medical Sciences (NEIGRIHMS).
Ia kane ka jingiakhih ba jai jai la pynlong ha ka por ba wan iaid lynti u Vice President sha Shillong.
