Delhi, Naitung 23: Ka Khliehduh jong ka Delhi Commission for Women (DCW) ka Swati Maliwal kala mih ban leit sha Manipur kaba don hapdeng ka jingiakynad, wat kala don ka jingkynnoh ba ka sorkar jylla kam shym la ai jingbit iaka ban pynlong iaka jingjurip.
Kane kadei tang hadien shi sngi ba ka Swati Maliwal kala kynnoh ba ka sorkar Manipur kala kyntait ban shah ia ka ban jurip bad ban iakynduh ia ki longkmie kiba la mad iaka jingshah leh khlem akor.
After telling me I can come to Manipur, 𝗚𝗼𝘃𝗲𝗿𝗻𝗺𝗲𝗻𝘁 𝗵𝗮𝘀 𝘁𝗮𝗸𝗲𝗻 𝗮 𝗨 𝗧𝘂𝗿𝗻 𝗮𝗻𝗱 𝘀𝘂𝗱𝗱𝗲𝗻𝗹𝘆 𝗱𝗲𝗻𝗶𝗲𝗱 𝗽𝗲𝗿𝗺𝗶𝘀𝘀𝗶𝗼𝗻 𝘁𝗼 𝗺𝗲. This is shocking and absurd. Why can’t I meet survivors of sexual violence? I have already booked my tickets after… pic.twitter.com/HU40Go8Fxo
— Swati Maliwal (@SwatiJaiHind) July 22, 2023
Ka Maliwal hynne ka sngi U Blei kala thoh haka Twitter, “Ka sorkar Manipur kala bthah ba ngan pynkynriah noh iaka jingleit ka jong nga namar ba ka don ka jingbym shongsuk shongsaiñ. Hadien ba nga la iatai sani ia kane ka jingai jingmut nga la rai ban her sha Imphal kumba nga la thmu. Ngan pan por na u Myntri Rangbah ka Manipur bad ngin iakynduh ia u ban kyrpad ban ia leit ryngkat lang bad ngi ban iakynduh ia kitei ki longkmie kiba la shah leh khlem akor”.
Manipur Govt recommended I consider postponing my visit due to law and order situation. After deliberation on their suggestion, have decided to fly to Imphal as planned. Sought time from Manipur CM. Will meet him & request him to come along to visit the sexual assault survivors. pic.twitter.com/Z8qycrnNQR
— Swati Maliwal (@SwatiJaiHind) July 23, 2023
Ka Khliehduh jong ka DCW kala pyni ruh iaka shithi kaba la thoh sha u Myntri Rangbah ka Manipur ha ka Sngi U Blei ha kaba kala kyntu ia u ban ailad lem iaka ban jurip bad ka pynthikna ba kan ym pynmih ia kano kano ka jingeh naka bynta ka sorkar jylla.
Kala kyrpad ia u Myntri Rangbah ban iakynduh bad ban shong jingialang kyrkieh na ka bynta ban iakren ha kaba iadei bad ka jingpynkheiñ iaka hok longbriew manbriew bad ka jingshah leh khlem akor bad jingshah thombor kaba la jia ha Manipur. Bun ngut ki longkmie Manipuri kila wan phet sha Delhi ban lait na ka jingiaumsnam ha ka jylla bad kala pynpaw ba ka kwah ban iakren ha kaba iadei bad ka bha ka miat ka jong ki.
“Nga kyntu ia phi, ban phah iaka jingbthah ia ki ophisar ba kin plie lad lem ha ka jingwan ka jong nga bad kum ka nongshong shnong jong ka ri bad ka khliehduh jong ka bor khmih kaba iada ia ki longkmie bad ki kynthei, nga kyntu ia phi ban kyrshan ia nga ba ngan ioh ban iarap bad kyrshan ia ki para kynthei ka Manipur. Nga pynthikna ba ngan ym leh ia kano kano kaban pynmih iaka jingeh na ka bynta ka sorkar jylla ha ka jingwan jurip ka jong nga ia ka jylla” la ong ka Maliwal.
Kala pynthikna ruh ba kan ai jingkyrshan iaka sorkar Manipur ha kaban ai jingiada iaka hok bad ka longrynnieng jong ki longkmie bad ki kynthei jong ka jylla.
Kala pynpaw ba kala phah iaka shithi sha u Myntri Rangbah ka Manipur u N. Biren Singh ha ka 20 tarik u Naitung bad sha u Khliehduh jong ki pulit Manipur ha ka 21 tarik u Naitung halor ka jingthmu ban leit sha Manipur ban iakynduh ia ki longkmie kiba la shah leh khlem akor bad shah thombor ka longrynnieng ka jong ki.
Ka Maliwal kala pyntip ba kala thoh shithi haka 21 tarik sha u DM ka Imphal, ha kaba la phah kylla ia katei ka shithi sha u Joint Secretary (Home) ryngkat bad ka jingkyrpad ban ai jingkyrshan iaka bad iaka kynhun jongka. U DM ula ai ruh ia u Phone Number jong u Joint Secretary (Home) uba la pynthikna ba ki lah ban leit sha Manipur bad ba kin pynbiang ia ka jingai jingkyrshan ia ki ha ka jingleit jurip ia ki ‘Relief Camps’ bad kumta kala pynkhreh iaka jingleit ka jong ka sha Imphal.
“Hynrei kyndit kynsan, nga la ioh pdiang ia kawei ka email na u Joint Secretary (Home) uba la kyrpad ban pynkynriah noh shwa ia ka jingthmu ban leit sha Manipur namar ka jingbym don ka shongsuk shongshngain,” kala ong.
Ha kawei pat ka liang, ki pulit ka Manipur kila kem ia ki 5 ngut ki rangbah bad ia uwei u khynnah kiba donkti ha kaban pyniaid lyngkhuid ia ki arngut ki longkmie ha Kangpokpi District.
