Mih ka jingbyrngem ia ki Nongtrei bar Jylla ha Sohra bad Shella, sdang tohkit ki Pulit

Date:

Share post:

Shillong, K’lyngkot 06 : Ka Tnad Pulit kala sdang ia ka jingtohkit ban lapdien ia ki briew ne kynhun kiba donkti ban tah jingpynbna (Notice) ha kylleng ki dukan ha Sohra bad Shella ba byrngem ia ki nongtrei bar Jylla.

Kane ka jingpynbna kala kyntu ia ki trai shnong ba kin bthah iala ki jong ki nongtrei bar jylla ba ki dei ban mih noh na kine ki artylli ki Shnong, lem kumta ki dei ban shim ia ka jingkitkhlieh ia kaei kaban jia pyrshah ia ki.

Arsngi bala dep, la shem ia ki jingpynbna bala tah ha kylleng ki dukan ha ka thain Sohra. Ha ka sngi Thohdieng, ia kane ka juh ka jingpynbna la tah ha ki dukan ha Ichamati bad ha ka thain Shella.

Ka jingpynbna ka dei kaba la thoh ha ka ktien Khasi.

U Superintendent of Police ka East Khasi Hills Bah Sylvester Nongtner u pyntip ba ka jingtohkit kala sdang mynta ban wad ia ki briew ne kynhun kiba donkti halor kine ki jingpynbna.

“Ngi la bthah ia u SDPO bad OC ban pynithuh ia ki briew kiba donkti. Ka jingtohkit mynta kala iaid shakhmat” ula ong.

Kine ki jingpynbna kim shym la don satia ia ka jingsoi kyrteng jong no jong no ruh ne jong kino kino ki kynhun.

Share post:

spot_img

Popular

More like this
Related

Pynbna ka NEHUSU da ka jingpynsangeh shong klas ba khlem pud ba wanrah Pulit ha Campus

Shillong, Iaiong 28 : Ka North Eastern Hill University...

Pan por ka Sorkar shibnai ban maramot ia ka jingkieng Mawlyndep

Shillong, Iaiong 28: U President ka Meghalaya Commercial Truck...

Shah pynkup burom u Prof David R Syiemlieh da ka Padma Shri Award

Shillong, Iaiong 28 : U Prof David R Syiemlieh...