Shillong, Naiwieng 28 : Palat 300 ngut ki Khynnah pule bad samla pule na ki jaka pule bapher bapher ka thain, ha ka sngi Thohdieng, kila mih iashimbynta ha ka Unity March ha Ri-Bhoi District, kaba kyntiew ia ka mynsiem ieid ri bad jingiatylli hapdeng ki samla.
Ia ka 2nd Sardar@150 Unity March on Constitution Day ban rakhe ia ka lyngkhuh sngi kha ba 150 snem Sardar Vallabhai Patel, u Iron Man ka India, la pynlong da ka Mera Yuva Bharat (MYBharat) Ri-Bhoi, ha ryngkat ka jingiatreilang bad ka Mahatma Gandhi University (MGU).
Kane ka rally kaba la pynlong halor ka matpdeng ‘Sardar@150, ka thmu ban wanrah ia ka mynsiem ka jingiatylli bad ka jingieidri hapdeng ki samla.
Ki samla pule na ka MG University, CASFOS, bad Mount Zion Academy kila iashimbynta ha kane ka rally, kaba la sdang na khyrdop ka MGU bad pynkut ha 14 mile.
