Shillong, Aug 14: Ka jingdon ki nongpang polio ba khadduh eh ha India, ka dei ha u snem 2011, bad la pynbna ia ka India ba kala lait na ka jingpang polio ha u snem 2014 da ka World Health Organization (WHO). Hynrei hadien 13 snem, la lap biang ïa une u khñiang jingpang ha India, bad la lap ia u ha Ri-lum Garo jong ka Jylla Meghalaya.
Uwei u khynnah na Tikrikilla kaba hap ha West Garo Hills, la pynthikna ba u la ioh ia utei u khñiang jingpang hynnin ka sngi Ba-ar. Utei u khynnah u la pyni ia ki dak jingpang Poliomyelitis bad la rah ia u sha Goalpara ha Assam, ha kaba ki doktor ki la lap ba u don ia katei ka jingpang.
Une u khynnah u dei uba wan na kawei ka shnong Tikrikilla kaba don jingngeit ban pyrshah ia ka jingai injek tika bad jur ka jingngeit ha ka rukom sumar tynrai.
U Deputy Commissioner ka West Garo Hills Jagdish Chelani, u la pynthikna ia katei ka jinglap. U la pyntip ba ka kynhun na ka World Health Organization bad ka tnad ka koit ka khiah jong ka jylla ki dang don ha lynti ban buddien ia ka jinglong jingman ha ka thain ba mih une u nongpang polio.
Hynrei ym pat lah ban tip la ka dei u khniang khlaw ne ka khniang jingpang ba la ïoh na ki dawai (cVDPV).
Ka India ka la ioh ia ka jingpynskhem kum ka Ri bala lait n aka Polio da ka WHO’s Regional Polio Certification Commission ha ka 27 tarik u Risaw, 2014, hadien ba ym shym la lap shuh ia kiba ioh pang thymmai ha ka ri haduh 3 snem. Uba la ioh ia u khniang jingpang Wild poliovirus ba khadduh ha kane ka ri, u dei ha ka 13 tarik Jymmang, 2011 na Howrah, West Bengal.
Ki dak jong ka jingpang poliovirus ki lah ban kynthup ia ka jingtlot, jingshit, jingpang khlieh, jingsma, jyrhoh ne jyrhoh, jingpang shyntur, jingkhluit ryndang, jingpang ne jingsngew jynjar ha ki kti bad ki kjat, ka jingpang khlieh kaba jur, bad ka jingsngewthuh ia ka jingshai (photophobia), nalor kiwei pat ki dak kiba iadei bad kane .
. Hynrei hadien 13 snem, la lap biang ïa une u khñiang jingpang ha India, bad la lap ia u ha Ri-lum Garo jong ka Jylla Meghalaya.){kind=link}