Mih biang ka jingiaumsnam ha Manipur, iap uwei, shah hiar thma ka Iing u MLA

Date:

Share post:

Imphal, Jymmang 25: Katba ka jingialeh ka dang jur ban wanrah pat ia ka jingsuk ha Manipur, hynne ka sngi, kala mih biang ka jingiaumsnam ha ki katto katne ki jaka ha kane ka Jylla kynthup ka jingwiang ding ia ki jingdon jingem kaba la iashimbynta ruh da ki kynhun kaikhlaw ka Jylla.

Uwei u briew ba 29 snem ula shah siat iap ha ki dkhot jong kawei ka Jaidbynriew katba arngut pat kila mynsaw ha kawei pat ka jingjia ha Bishnapur District.

Ka IIngsah u MLA bad Myntri ka tnad PWD u Govindas Konthaujam kala shah hiar thma ha ki riew runar ha Bishnapur District.

Khnang ban lah tehlakam ia kane ka jingkhie biang ka jingiaumsnam, ka Sorkar kala pynjari biang da ka korphiw ba khlem pud ha Bishnapur, kaba dei ka thymmei jong ka jingiakynad ba jia baroh shikatta, bad kumjuh ruh ka jingpynjynsur ia ka korphiw ha Imphal West la nang pynduna sha ka 4 kynta.

Ha kajuh ka por, ka kynhun ki Nongialam ka BJP na Manipur kila hiar sha Guwahati ban iakynduh ia u Myntri kam Pohiing ka Ri u Amit Shah, uba la wan iuhkjat hynne ka sngi ha kane ka Nongbah.

Nalor kane, ka Iingkashari Imphal East kala hukum ban set ia u MLA barim T Thangzalam Haokip bad lai ngut kiwei pat kynthup u Khun jong u sha ka Judicial Custody tad haduh ka 6 tarik Jylliew namar ka jingiadon bynta ha ki kam iaumsnam bad jingkynshoit ia ki nongkhaii ha ka thain New Checkon.

Share post:

spot_img

Popular

More like this
Related

Police on the hunt to arrest culprits behind murder of 2 persons at Ichamati

SHILLONG, MAR 28: The state police are yet to...

Iohksai ki Pulit ia ki briew ba bomiap ia ki bar Jylla ha Ichamati

Shillong, Lber 28 : Ki Pulit ka East Khasi...

Elekshon Lok Sabha | Rai ka Mawlai Syllaikariah ban ‘boycott’ iaka elekshon

Shillong, Lber 28 : Ka Dorbar Shnong jong ka...

Lok Sabha 2024 | Shong bishar u CS ia ka suk ka sain ha Jylla bad thain khappud

Shillong, Lber 27 : U Chief Secretary ka Jylla...