spot_img

Plie ka Balang Catholic ia ka De-addiction Centre ki Kynthei ha East Arunachal Pradesh

Date:

Share post:

Dibrugarh, Jymmang 25: Kum shibynta na ka jingpyrshang ban iakhun pyrshah ia u drok bad ka jingnang kynrei kiba dih droks hapdeng ki Samla ka Arunachal Pradesh, ka Balang Miao Diocese kala plie paidbah ia ka ‘Auxilium Wellness Centre’ kaba dei ka De-addiction Centre ia ki Kynthei ha Namphai II, kaba don ha Changlang District.

Ia kane ka Centre la plie paidbah hynnin ka 24 tarik Jymmang da u Additional Deputy Commissioner ka Miao u Ibom Tao uba la shah khot kum u kongsan.

U Bishop George Pallipparambil jong ka Miao Diocese ula ong ba ka jingjyllei u droks ka dei ka jingeh kaba khraw bha ha kylleng ka Arunachal Pradesh bad ka la kylla long ka kruin ia ka lawei jong ka Ri, ong u Bishop.

U Bishop ula ong “Ka dei ka jingphohsniew bala urlong ia baroh ki paidbah ka Arunachal Pradesh khamtam ki thain ba lam mihngi ka Jylla. Ngi kyrmen ba kane ka jaka sumar ia ki Kynthei kan ym pyllait iaki briew na ka jingdih droks hynrei kan synniang ruh sha ka koit ka khiah ha baroh ki liang jong ki paid nongshongshnong ka Jylla”

Kat kum ka khana samari ba khaduh, ka District Namsai, Lohit, Dibang, Upper Siang, Anjaw, Tirap bad West Kameng kila kylla long kiwei napdeng ki 272 tylli ki District ba jur eh ka jingdih droks hapoh ka Ri.

Haba kren ha ka jingialang, u Ibom Tao ula ong “U droks bad u opium ula pynjot ia ka imlang sahlang jong ngi bad kane ka centre ka dei kaba donkam tam ha kane ka por namar kila don bun palat ki briew bala kyrni hangne. Ban shu kem ia ki bad set ia ki ha along kam dei satia ka lynti. Ka wellness centre kan dei ka jingkyrkhu kaba khraw bad ka nongkyntu ia ki paidbah ha sawdong jong ka”.

Haba iaroh ia ka Balang halor kane ka sienjam, u Tao ula ong “Ka Balang Catholic kat shaba ka don, kala don synniang shi katdei eh ia ka imlang sahlang la ka dei ha ka pule ka dangle, ka koit ka khiah ne ka jingshakri ia kiba donkam jingiarap. Kane ka centre ka dei ka nuksa ba kumno ka balang kala synniang khlem sangeh ban tei ia ka imlang sahlang. Ki paidbah bad ki bor District ki dei ban ai jingiarap, kyrshan bad iatreilang ban pynthikna ia ka jingtreikam ryntih kane ka jaka”.

Share post:

spot_img
spot_img

Popular

More like this
Related

30% of BJP supporters in South Shillong averted to vote ‘out of anger’: says Sanbor Shullai

SHILLONG, MAY 21: BJP legislator from South Shillong Sanbor...

U drok bad ka shongkha pathar ki daw bah ka jingpang Ñiangkulia: MACS

Nongstoiñ, Jymmang 21: Ka Meghalaya State Network of Positive...

Iakynduh ka HYC ia ki bor District ka WKH ba la jyllei u droks hapoh ka District

Shillong, Jymmang 21: Ka Hynniewtrep Youths Council (HYC) West...

Pyntip ka DGP ban iakynduh paidbah man ka sngi Palei

Shillong, May 21: Ka Director General of Police (DGP)...
spot_img