Shillong, Naiwieng 03: Ka Meghalaya Cricket Association (MCA) ka la wan shakhmat ban pynbna ia ki kyrteng jong ki player kiban mihkhmat sha ka lympung ialehkai ka BCCI’s U-23 Men’s State A Trophy 2025-26, one day tournament.
Kumba ka long ia mynta, ka kynhun U-23 ka dang don hapdeng ka jingiashim bynta sha ka lympung jong ka Col CK Nayudu Trophym, ha kaba kiba bun na ki player ba don ha kane ka kynhun, la pynrung sa sha kane kawei pat ka thup ialehkai.
U nongialam (captain) jong kane ka kynhun ialehkai kaba 15 ngut un dei u Manish Sharma bad la jied ruh ia u Josiah Momin ba un long kum u vice captain jong ka kynhun.
Ha kane ka kynti, ia ka Meghalaya la pyniakap ia ka bad kiwei pat ki jylla kum ka Manipur, Mizoram, Nagaland, Arunachal Pradesh bad Sikkim, bad ia ki jingiakhun la buh bna long ha kiba bun tylli ki jaka ialehkai ba don ha Punjab.
Ka jingiakhun ba nyngkong ka Meghalaya ha kane ka lympung kan long pyrshah ia ka Sikkim ha ka 9 tarik mynta u bnai Naiwieng.
Ki kyrteng jong ki player: Avinash Rai, Chandra Bahadur Thapa, Sachin Kumar, Pushkar Raj Singh, Dipankar Baruah, Josiah Momin (VC), Asif Khan, Manish Sharma (C), Rohit Yadav, Shavian Blah, PM Santhosh, Thunun Marak, Denikcheng Marak, Gulgul Sangma, Gavineal Marpna
Standbys: Sudhir Sahani, Salchang Sangma, Dairo Marak, Raghav Magotra, Charm Marbaniang
Support staff: Neetesh Sharma (head coach), Shiva R Sangma (assistant coach), Emidao Dhar (physio), Skhembor Khongbtep (trainer), Wonderful E Pakyntein (manager)
