Shillong, Aug 18: Ka West Jaintia District Sports Association bad ka Nongstoin District Sports Association kila nang bteng ban khur ia ka jingjop ha ka jingiakhun phutbol jong ka Meghalaya Youth League 2024 ha ka round kaba 5 kaba la long haka sngi saitjain.
Ha ka Zone B, ka West Jaintia kala pynrem iaka Saipung Block Sports Association ha ka U-14 da 9-0 bad ha ka U-16 da 2-0, ha kaba u Kaisarmi Dkhar ula ioh ia ka hat-trick ha ka jingiakhun kaba nyngkong bad mynta ula ioh sa ia ka ba-ar ha kane ka jingiakob. Ka West Jaintia kala jop ha baroh ki jingiakhun ka jong ka ha U-14 bad U-16 bad kala tam mynta da 12 point.
Ka Amlarem Block Sports Association kala wan ba-ar ha ka U-14 bad U-16 da kaba pynrem ia ka East Jaintia District Football Association da 7-0 ha ka U-14 bad 2-0 ha ka U-16.
Ha ka Zone D, ka Nongstoin kala pynrem ia ka Tyrsad Area Sports Association da 5-0 ha ka U-14 bad 5-2 ha ka U-16. Ka Nongstoin mynta kala don 12 point katba ka Pyndengumiong District Sports Association kala don 11 point.
Ha ka Zone A, ka District Sports Association North Garo Hills kala iakhaid da 0-0 bad ka Baghmara District Football Association ha ka U-14. Ha ka U-16 ka Williamnagar District Sports Association kala jop da 4-2 pyrshah ia ka Tura District Football Association. Ka North Garo Hills kala tam da 7 point ha ka U-14, katba ka Williamnagar kala tam da 7 point ha ka U-16.
Ha ka Zone C, ka Shillong Sports Association kala jop pyrshah ia ka Riwar Mihngi Football Association, da 5-0. Katba ha ka U-16 ka Sohra Sports Association, kaba ym shim la iohlad ban iakhun ha baroh artylli ki jingialehkai namar ka jingjur slap kala ioh ban iakhun pyrshah ia ka Western Ri-Bhoi Sports Association hynrei kala shah pynrem noh da 4-0.
Ka Result U-14 ha ka 17 tarik u Nailar:
Zone A – Baghmara District Football Association kala iakhaid da 0 – 0 pyrshah ia ka District Sports Association North Garo Hills.
Zone B – Saipung Block Sports Association kala shah pynrem da 0 – 9 ha ka West Jaintia District Sports Association.
Zone B – Ka East Jaintia District Football Association kala shah pynrem da 0 – 7 kol ha ka Amlarem Block Sports Association.
Zone C – Ka Riwar Mihngi Football Association kala shah pynliem da 0 – 5 kol ha ka Shillong Sports Association
Zone D – Ka Tyrsad Area Sports Association kala shah pynrem da 0 – 5 kol ha ka Nongstoin District Sports Association
Zone D – Mawkyrwat District Sports Association kala pynrme da 7 – 0 ia ka Mawshynrut Sports Association
Zone D – Ka Eastern Border Sport Association kala iakhiad 0 – 0 pyrshah ia ka Pyndengumiong District Sports Association
Result jong ka U-16 ha ka 17 tarik u Nailar
Zone A – Williamnagar District Sports Association kala pynrem da 4 – 2 ia ka Tura District Football Association
Zone B – Saipung Block Sports Association kala shah pynrem da 0 – 2 ha ka West Jaintia District Sports Association
Zone B – Ka East Jaintia District Football Association kala shah pynrem da 0 – 2 ha ka Amlarem Block Sports Association
Zone C – Ka Riwar Mihngi Football Association kala shah pynliem da 0 – 5 kol ha ka Shillong Sports Association
Zone C – Ka Sohra Sports Association kala shah pynrme da 0 – 4 kol ha ka Western Ri-Bhoi Sports Association
Zone D – Ka Tyrsad Area Sports Association kala shah pynliem da 2 – 5 ha ka Nongstoin District Sports Association
Zone D – Ka Mawkyrwat District Sports Association kala shah pynrem da 0 – 5 ha ka Mawshynrut Sports Association
Zone D – Ka Eastern Border Sport Association kala iakhaid da 1 – 1 bad ka Pyndengumiong District Sports Association
