Shillong, Apr 8: Ka The Meghalaya Football Association mynta ka sngi ka pyntip ba ka lympung 5th Meghalaya State League (MSL 5), kan sdang da ka jingiakhun hadpeng ka Nongkseh SSCC pyrshah ia ka Khimusniang SC kaban long ha SSA Stadium First Ground, Polo, ha ka 15 tarik mynta u bnai Ïaiong.
Kane ka jingiakhun kaba dei jong ka Group A kan sdang ha ka por 5 baje janmiet, ha kaba u Myntri ba dei khmih ia ka tnat Sports & Youth Affairs u bah Wailadmiki Shylla un long kum u kongsan.
Kum ka kynhun, ka Nongkseh kadei kawei na ki klob kaba la sdang bha ba kan khring ia ki khmat u paidbah nongpeit kai, hadien ka jinglah ban paw bad ban ialehkai bha ha ka samoi ialehkai u snem 2025, kaba wan hadien ba ka la lah rah ia ka nam lahduh ha ka First Division, hadien kane ka la rah pat ia ka nam lahduh ka Champions Cup, ki lympung ki ba la pynlong da ka Shillong Sports Association.
Katba ka Khimusniang, kane ka kynhun ka pyrshang ba kan ioh ia ka jingsdang da ka jingjop, khamtam hadien ba ka la ioh ba kan rah ia ka nam lahduh U Kiang Nangbah Memorial Trophy ka West Jaintia District Sports Association’s Super Division ha ka samoi ialehkai u snem 2025.
Kane kan dei ka sien ba nyngkong ia kine ki artylIi ki kynhun ba kin iakhun pat sa ha kum kane kawei ka lympung bah ialehkai phutbol kaba heh ha ka jylla, ia kaba la pyniaid ia ka da ka MFA bad ia kane ka lympung la iarap ban kyrshan ia ka da ka Directorate of Sports and Youth Affairs.
Mynta ka kynti, ka MSL kan long kaba kham kyrpang namar jia ryngkhat ba la pynlong ia ka, ha ka khep ba kum ka synjuk ka MFA ka rakhe ruh ia ka Golden Jubilee.
Ha ka jingshisha, ka MSL-5, la thmu ban sdang ia ka ha kane ka sngi Saitjain ka taiew, hynrei ka Centralised Registration System (CRS) ka All India Football Federation’s (AIFF) ka la kham pynjlan noh ia ka por sdang .
, kan sdang da ka jingiakhun hadpeng ka Nongkseh SSCC pyrshah ia ka Khimusniang SC kaban long ha SSA Stadium First Ground, Polo, ha ka 15 tarik mynta u bnai Ïaiong.){kind=link}