Shillong Kyllalyngkot 08: Ka Meghalaya State League 2024 kala jam sha ka Quarterfinal bad ia ka jingiakhun kaba nyngkong eh kan long hapdeng ki lahduh jong ka MSL ka Rangdajied United FC pyrshah ia ka Shillong Lajong FC, ha ka sngi Palei ha Wahiajer Multipurpose Sports Complex, West Jaiñtia Hills District.
Ka Rangdajied United FC kadei kaba dang bat ia ka nam lahduh jong ka MSL, katba ka Shillong Lajong FC kala long ka lahduh ha u snem 2019.
Ha ka jingiakhun ia ka Quarterfinal ka baar kan long hapdeng ka Sutnga SS & CC pyrshah ia ka Ladthadlaboh SC kan long ha ka sngi Thohdieng ha EJHD Artificial Turf, Diengshynrum, Khliehriat.
Ka Quarterfinal kaba lai kan long hapdeng ka Mawlai SC kaba wan hakhmat eh jong ka Shillong Premier League pyrshah Khliehmawlieh YC kaban long ha Shillong Sports Association (SSA) Stadium, Shillong.
Katba ka lahduh jongka Tura, ka Chipakkore FC kan iakhun pyrshah ia ka Rymbai Shkenshynriah FC ha ka P.A. Sangma Stadium, Tura.
Ka P.A. Sangma Stadium kadei ka jaka kaba ka Chipakkore FC ka khur bha ia ka jingjop bad kadei ruh ka kabu kaba ki paidbah ka Tura ki wan ai jingkyrshan bha ia ka Chipakkore.
Ka Meghalaya State League 2024, kala sdang ha u bnai Risaw 2024 hynrei la pynsangeh noh shwa shipor ia ka jingiakob ialehkai ha u Naiwieng namar ka jingleit iashimbynta ki nongialehkai football ka jylla ha ka Santosh Trophy 2024.
