Tura, K’lyngkot 17 : Hadien ka jingiakhun jong ka leaque kaba sdang naduh ka 11 tarik Kyllalyngkot, ka jingjingiakhun ha ka phutbol ka 5th Meghalaya Games kala nang jam mynta sha ka semi final.
Ha ka jingiakhun ki shynrang, ki saw tylli ki kynhun kiba ioh rung sha ka semi phainal ki dei ka East Khasi Hills, ka Ri-Bhoi, ka West Jaintia Hills bad ka West Garo Hills.
Ka jingiakhun jong kine ki kynhun kan long ha ka 18-19 tarik ha PA Sangma Football Stadium, Tura ha kaba ka East Khasi Hills kan iakhun pyrshah ia ka Ri-Bhoi katba ka West Jaintia Hills kan iakhun pyrshah ia ka West Garo Hills.
Haba phai sha ki Kynthei, ki saw tylli ki kynhun ba ioh rung sha ka semi phainal ki dei ka Eastern West Khasi Hills,ka Ri-Bhoi, ka South West Khasi Hills bad ka East Khasi Hills.
Ka Eastern West Khasi Hills kan iakynduh pyrshah ia ka Ri-Bhoi katba ka South West Khasi Hills kan iakynduh pyrshah ia ka East Khasi Hills.
Ka kynhun ialehkai ka East Khasi Hills ka dei kaba ialehkai bha duh ha kane ka lympung naduh ba sdang ka jingiakhun ba nyngkong bad kam ju pep ban ioh thep kol. Kawei na ki jingiakhun ba ka pyni ia ka jingkhlain, ka dei ka jingiakhun pyrshah ia ka South West Garo Hills da ka jingioh thep haduh 18 kol.
Ban pynitynnad bad pynshongkun ia ka jingialehkai, ia ka final round la rah noh na madan Chandmari Football Field kaba dei madan artificial synthetic turf sha ka PA Sangma Footbal Stadium, kaba dei ka madan phlang.
Ka jingiakhun jong ka semi phainal kan long ha ka sngi Palei bad ka jingiakhun jong ka phainal jong ka kynhun ki Kynthei bad Shynrang kan long ha ka sngi Saitjain.
