Shillong, Jymmang 05 : Ka Meghalaya Board of School Education (MBOSE) kala pynbna ia ka result jong ka eksam Higher Secondary School Leaving Certificate (HSSLC)-Arts hynne ka sngi Nyngkong bad u samla Albert Mate bad Idawanplishisha Swer kiba dei na St.Edmund’s Higher Secondary School, Shillong kila ioh ia ka kyrdan kaba nyngkong.
Kine baroh arngut kila ioh mar 455 marks, bad shim ia ka kyrdan ba nyngkong ha ka jingioh marks bun eh.
Ka samla Nelly Mary Khymdeit, kaba dei ruh na St.Paul Higher Secondary School, Nongpoh, kala ioh ia ka kyrdan kaba ar da ka jingioh 451 marks.
Ia ka kyrdan ba lai la ioh da ka samla Safilia Wahlang jong ka St.Anthony’s Higher Secondary School, kaba ioh 450 marks.
U samla Neev Sharma jong ka Don Bosco College (He Sec.section), Tura ula ioh ia ka kyrdan ba saw da ka jingioh 448 marks.
Ka kyrdan kaba san kala leit sha u Nangrim Mangsang Sangma na ka St.Edmunds, uba ioh 446 marks.
Haba bteng ia ka thup jong ki samla ba pass shakhmat, u Gideon Elias Quinn Khyriem na St.Admund’s Higher Secondary School bad Priscilla Lamlynti Lyngdoh-kaba dei na St.Anthony’s Higher Secondary School, kiba ioh ia ka kyrdan ba hynriew bad ba hynniew da ka jingioh 444 bad 443 marks.
Ka samla Mebalaaihun Mawiong jong ka Regular-II Candidate bad Alvareen Mebaaihun Lyngdoh jong ka St. Edmund’s kila iasam ia ka kyrdan ba phra da 441 marks.
Ar ngut ki samla pule kila ioh ia ka kyrdan ba lai-ka samla Lapdianghun Shisha Khonglam na Sohra Government Higher Secondary School bad Amanda Lyngwa jong ka St.Edmund’s da ka jingioh 440 marks bad ka samla Josephine Bareh na ka St.Anthony’s Higher Secondary School kala ioh ia ka kyrdan ba shiphew da ka jingioh 438 marks.
