Shillong, Jymmang 05 : Ka samla Disha Chokhani jong ka St. Anthony’s Higher Secondary School kala ioh ia ka kyrdan ka ba nyngkong ha ka eksam Higher Secondary School Leaving Certificate (HSSLC) jong ka Commerce Stream bala pynbna result hynne ka sngi Nyngkong.
Kat kum ka result bala pynbna da ka Meghalaya Board of School Education (MBoSE), ki samla pule jong ki skul ka Nongbah Shillong kila ioh ban bat ia ki kyrdan top ten ha ka eksam HSSLC-Commerce Stream.
Ka samla Disha Chokhani kala ioh haduh 481 marks bad tam tang 5 mark ia ka samla ba wan ba-ar ka Nishan Talukdar jong ka Laban Bengalee Boy’s kaba ioh 476 marks.
Ia ka kyrdan kaba lai la ioh da u samla Dipankar Barua uba dei na ka skul Laban Bengalee Boy’s, uba la ioh 468 marks, katba ka Ankita Modak jong ka St. Edmund’s Higher Secondary School kala ioh ia ka kyrdan kaba saw da ka jingioh 466 marks.
U Manav Modak na ka skul Laban Bengalee Boy’s ula wan ha ka kyrdan kaba san da ka jingioh 462 marks.
Arngut ki samla pule-Vanlachhuangi ka St Anthony’s High Secondary School bad ka Sophia Niang, ka Regular-II candidate- kila ioh ia ka kyrdan kaba 5 da ka jingioh 461 marks.
U Animesh Pyal ka St Anthony’s ula wan ha ka kyrdan ba hynniew da ka jingioh 460 marks katba u samla Naason Raymus Lyngkhoi ka BBS College ula ioh ia ka kyrdan ba phra da 454 marks.
Ia ka kyrdan ba khyndai la iasam hapdeng lain gut ki samla- ka Nandani Kumari jong ka St.Anthony’s, ka Dinea Niangdeihlun ka St.Margret bad ka Anitra Rabha jong ka St. Mary’s High Secondary School, kiba ia ioh mar 451 marks.
Ka Saniya Hussain jong ka St. Edmund’s Higher Secondary School kala ioh ia ka kyrdan top tep da ka jingioh 450 marks.
Ka samla Disha Chokani kala pynpaw ba ka jingioh jong ka ia ka kyrdan ba hakhlieh dei ha ka Commerce ka dei ka jingphohsniew kaba la urlong.
“Nga sngewkmen ba nga lah ban pynsngew sarong ia ki Nonghikai bad i Mei i Pa” kala pynpaw.
Kala ban jur ba ka jingpule kot ba manla ka sngi ka dei u shabi sha ka jingjop.
Ka Chokani kam ngeit satia ba ki rynsan social media ki dei ki jingpynthut bad ong “Nga pyndonkam da ka jingstad ia ki social media. Ki dei shibynta jong ka jingim”.
Kala kyntu ia ki para samla pule ba kin pynlut kham bun ia ka por ban pule ia ki sobjek kiba ki shem jingeh.
 jong ka Commerce Stream bala pynbna result hynne ka sngi Nyngkong.){kind=link}