spot_img

Manipur : Ujor ejahar ka Congress ia ki Nongialam BJP ba byrngem ia u Rahul Gandhi

Date:

Share post:

Imphal, Nailur 26: Ka Congress ka la ujor ejahar pyrshah ia 3 ngut ki nongialam ka BJP bad uwei u dkhot ka Shiv Sena halor ka jingkynnoh ba ki la byrngem ia u nongialam ka Liang Pyrshah (LoP) ha Lok Sabha, u Rahul Gandhi.

Ha ryngkat ki nongialam na kiwei ki sengsain pyrthei, u president ka Manipur Congress, u Keisham Meghachandra Singh u la ujodr daka ejahar pyrshah ia u Myntri Khynnah ka tnat Railways ka Sorkar Pdeng u Ravneet Singh Bittu, u nongialam ka BJP na Delhi Tarvinder Singh Marwah bad u nongialam ka Shiv Sena uba dei ruh u MLA u Sanjay Gaikwad bad u Myntri Sorkar Jylla Uttar Pradesh u Raghuraj Singh daka ba kynnoh ba kila don bynta ban jingpynshit ia ki kam thombor pyrshah ia u Rahul Gandhi.

Haba iakren bad ki lad pathai khubor, u president ka Manipur Congress u Keisham Meghachandra Singh u la ong, “Nga la mudui da ka ejahar ia ki jingbyrngem ba paw pyrthei jong ki nongialam ka BJP bad ki paralok jong ka ban pynduh/pynmynsaw ia u Rahul Gandhi,”.

U Keisham Meghachandra Singh u la ong ba ka jingbyrngem ia u Nongialam ka Liangpyrshah ka dei ka jingma ia ka synshar paidbah, ia ki paidbah ka ri India, bad ka dei da ka jingthmu leh kam beain.

“Kam dei ban don ka jaka ia ki nongialam ba leh kam sniew ha India. U Myntri Rangbahduh ka ri u Narendra Modi u dei ban shim khia ia kine ki nongialam kiba leh ia ki kam sniew da kaba ai jingbyrngem ban pynduh jait ia u Rahul Gandhi” la ong u Keisham.

Ka ejahar ba ujor da u President ka Manipur Congress ka kdew ba kine ki kam jong ki nongialam ki dei ki kam ba la thmu bad ba la pyrkhat bha ban pyntieng pynsmiej bad ka jingpyrshang ba thmu jong ki nongialam ka BJP/NDA ban thaw ia ka jingshun, ka jingpynkhein ia ka jingsuk, ban pynmih ia ka jingleh donbor, ka jingpyniashun hapdeng ki paidbah bad u Nongialam ka Liangpyrshah paidbah.

Share post:

spot_img
spot_img

Popular

More like this
Related

Ioh rung tuh haduh 60 ngut ki nong Bangladesh tang khyndiat sngi, phla uba shah bat ha ka HYC

Shillong, Jylliew 8: Ki dkhot jong ka Hynniewtrep Youth...

Jingjia ba ngiew ia ki nong Indore | Shim suo motu case ka NCW, pan kaiphod na ka DGP hapoh 72 kynta

Shillong, Jylliew 08 : Ka National Commission for Women...

Indore missing case: NCW takes Suo Motu action, DGP asked to submit report within 72 hours

Shillong, June 8: The National Commission for Women (NCW)...

Meghalaya Women’s State League | 13 tylli ki kynhun ban iashimbynta | Kiba jop kin leit sha ka IWL-2

Shillong, Jylliew 08: Ka Meghalaya Football Association hynne ka...