Imphal, Nohprah 2: Ka sorkar Manipur kala thaw ia ka state-level bad ka district-level committee na ka bynta ban pynsted ia ka mat ba shateng ban pynphai biang ia ki briew ba phetwir (internally displaced person)shala ki jong ki shnong, ka ban pyni ia ka bor synshar ba la pynthymmai ban wanrah biang ia ka shongsuk na ka bynta ki hajar tylli ki longing kiba la shah ktah.
Ki heh sorkar ki la ong ba kane ka sienjam ka pyni ia ka jingkut jingmut jong ka sorkar ban ia trei lang bad ki briew ha ka por ba ki jaidbynriew kiba la shah kylla phetwir ki dang iai bteng ban pynbor ban pynphai biang noh ia ki shala shnong. Ha ka sngi Nyngkong, ki nongmihkhmat jong ka Coordinating Committee on Manipur Integrity (Cocomi) bad ka kynhun IDP kila aiti biang ia ka shithi ban pynkynmaw ia u Lat ka jylla u Ajay Kumar Bhalla bad sha u Chief Secretary ka jylla u Puneet Kumar Goel, ha kaba ki la kyntu ba kin pynurlong ïa ka jingkular ban pynphai pat ïa ki IDP hapoh u bnai Nohprah.
Kane ka State Level Committee ba dang shu thaw thymmai la khlieh da u Chief Secretary bad kynthup lang ia u Commissioners of Finance, Home, bad ka Rural Development & Panchayati Raj, kan ai ia ka jingpeit bniah ha kaba iadei bad ka policy direction bad ruh ban ialeh ban weng ia ka jingeh kiba la slem ban pynkynriah. Special lane u Additional Secretary (Home) un long kum u convener.
Katkum ki heh ophisar, kane ka high-powered body ne ka kynhun ba donbor ka thmu ban pynbeit ryntih ia ka jingshim rai bad ruh ban pynbha ïa ka jingïatreilang hapdeng ki tnad, bad ban pynthikna ïa ka jingpyntreikam kaba ïaryngkat ha kylleng ki district.
Ka District-level committees pyni ia ka jingpyrshang ha ka jaka, da kaba pynleit jingmut ha ka jingthmu ha ka jaka bad ka jingpeit bniah, bad ka jingpyntreikam ha ka por kaba biang ia ki jingthmu ban pynkynriah jaka.
shala ki jong ki shnong, ka ban pyni ia ka bor synshar ba la pynthymmai ban wanrah biang ia ka shongsuk na ka bynta ki hajar tylli ki longing kiba la shah ktah.){kind=link}