Shillong, Nohprah 02 : U Lat ka Jylla CH Vijayashankar ula pynpaw ba ka jingkhlain ka ioh ka kot jong ka Assam bad ka jingbiang ki lad pyniasoh, ki dei u paia ka roi ka par ha ka thain Shatei Lam Mihngi.
“Ka Assam ka dei kaba iatip kum ka khyrdop jong ka NE. Ka Assam kala noh shibun eh ia ka India la ka long lyngba u slasha, ka art, literature, cinema lane ki jingleh tynrai jong ka. Ki jinghikai u Srimanta Sankardev, ka mynsiem ba shlur u Lachol Borphukam, ka jingthaba rong jong ka Bihu bad ka jinglong iatylli kan dang iai bteng ban aimynsiem ia ki pateng ban wan” ong u Vijayashankar haba kren ha ka jingrakhe ia ka sngi ioh Jylla ka Assam bad Nagaland ha Rah Bhavan, hynne ka sngi Ba-ar.
U Vijayashankar ula ong ba kane ka jingrakhe kam dei eh tang ka sngi ha ka calendar hynrei ka jingpynkynmaw ia ka jingiaid lynti ki jinglen lade, ka jingsuk, ka jingkiew shaphrang bad ka jingiatylli jong ka Jylla.
U Lat ula kynthoh ruh halor ka jingnang kiew shaphrang ka Nagaland bad ong “Ha ki snem bala leit, ka Nagaland kala kiew bha ha ki kam sengkam lajong, ka put ka tem, ki kam ialehkai, kam jngohkai bad ka roi ka par ha ki shnong ki thaw. Kine ki jingjop ki dei ka sakhi ia ka mynsiem bad jngaiti lut jong ki paid Naga”
