Imphal, Naiwieng 09: Ki pulit ka Manipur kila ioh tam ia artylli ki metiap ba don dak kuli na ki artylli ki jaka haka thain Kangchup kaba hap hapoh ka Imphal West. Kine ki briew ki dei kiba la jah rngai la 24 kynta kata naduh ka sngi Ba-ar.
Kat kum ka jingong ki Pulit, kawei ka metiap ka dei jong ka Kynthei kaba la lap na ka thain Tairenpokpi jong ka Imphal West District katba kawei pat ka dei jong u rangbah ia kaba la lap na Takhok Mapal Makha kaba don ha Imphal West District.
Ia kine ki metiap la kit noh sha ki artylli ki medical college ha Imphal ban pyndep ia ka post mortem.
Kane ka Kynthei ka dei kawei na ki saw ngut ki briew kiba la jah rngai dang shen ia kaba la suba jur ba ki la shah rahbor ha ki briew ki bym lah ban ithuh na Kangchup.
San ngut ki briew kynthup ia lain gut ki kynthei kila shah thombor ha ki paidbhur ha Kangchup Chingkhong katba ki dang don ha kali na Churachandpur sha Leimakhong.
Kine ki paidbhur kila patan ia saw ngut ki briew katba uwei ula laitphet. Ia une u briew la ioh ban pyllait im da ki bor pahara kiba la pynkit noh ia u sha Dimapur ban ioh ia ka jingsumar.
