Imphal, Risaw 31 : Uwei u Heh Pulit ba bat ia ka kyrdan Sub Divisional Police Officer (SDPO), ula shah siat iap ha ki suba kynhun kaikhlaw hynne ka sngi Ba-ar ha ka thain Moreh kaba hap hapoh ka Tengnoupal District.
Kat kum ka jingithuh ki Heh Pulit, ki kynhun kaikhlaw kila ther kuli ia une u heh Pulit ba kyrten gu Chingtham Anand, katba u dang leit jurip ia ka helipad ba dang shna thymmai ha Eastern Ground, kaba don ha kane ka shnong khappud ba shong bun paid da ki jadbynriew Kuki-Zo.
Ia une u SDPO la pynkit mar mar sha Primary Health Centre ha Moreh hynrei ula khlad noh namar ka jingjur ka jingmynsaw, ong ki Heh Pulit.
Hadien kane ka jingjia, ki Pulit bad ki shipai kila pynlong ia ka jingkhynra kaba jur ban ioh kem ia kine ki kynhun kaikhlaw ba donkti.
Haba sngewlem ia ka jingkhlad une u Heh Pulit, u Myntri Rangbah ka Jylla N Biren Singh ula ong “Sngewsih kthang ia kane ka jingpyniap im im peit peit ia u SDPO Chingthan Anand, OC ka Morah Police hynne ka step. Ngin iai kynmaw ia ka jingaiti ban shakri bad iada ia ki paidbah. Ngin pynioh ia ka jingpynsajia ia ki nongleh ia kane ka kam”.
Deeply saddened by the cold-blooded killing of SDPO Chingtham Anand, OC Moreh Police this morning. His dedication to serve and protect the people will always be remembered. The perpetrators will be brought to justice.
— N.Biren Singh (@NBirenSingh) October 31, 2023
Kane ka jingjia kala an jia hadien katto katne taiew ba ki kynhun Sengbhalang khamtam kito kiba don ha Moreh, kila dawa ban weng noh ia ki Pulit ka Jylla na kane ka sor khappud.
