Imphal, Lber 13: Ka jingpakhang shnong kaba khlem buh por ba la khot da ka Kuki-Zo Council (KZC) ka la ktah jur bha iaka jingim ba man ka sngi jong ki briew ha ki thaiñ ki Kuki-Zo jong ka Jylla Manipur.
Ka jingpakhang shnong mynta ka sngi, kala jam shaka sngi kaba 4.
Ia kane ka pakhang shnong la khot namar ka jingpyn sdang biang ia ka jingkamai jong ki bos hapdeng ka nongbah Imphal bad ki Hill District, kumjuh ruh ka jingleh jong ki pulit ha ki Hill District ha ka 8 tarik mynta u bnai.
“Ka jinglong jingman ha ki jaka ba shong ki riewlum Kuki-Zo, khamtam ha ki distrik Kangpokpi bad Churachandpur, ka dang long ka bym shngain. Hynrei, ym shym la don kano kano ka jingjia ba sngewsih na ki jaka ba bun ki nong shong shnong riewlum hadien ka jingïakynad ha ka 8 tarik bad ki bor pahara” ong u heh sorkar.
Ki dkhot ka KZC, kynthup ki nongkyrshan, bad ki dkhot jong kiwei pat ki seng riewlum naduh ki kynthei, ki la pynlong ïa ki jingïakhih ha ki jaka bapher bapher jong ka Kangpokpi, Churachandpur, bad kiwei kiwei ki thaiñ kiba la shah ktah.
“Ka kynhun ki shipai bad bor pahara ka Jylla kila don sha ki jaka ba shong ki jaitbynriew Kuki-Zo ha Kangpokpi, Churachandpur, Tengnoupal, bad Pherzawl, kumjuh ruh ha ki jaka ba don ki nongshong shnong ba ia khleh lang kum ha Jiribam, ka shnong ba marjan bad ka Assam” ong ki bor Sorkar.
 ka la ktah jur bha iaka jingim ba man ka sngi jong ki briew ha ki thaiñ ki Kuki-Zo jong ka Jylla Manipur.){kind=link}