Imphal, Naitung 24 : Ki Pulit ka Manipur Cyber Crime Branch ha ka sngi U Blei kila register case ia ki briew kiba pynphriang ia ki khubor lamler da ka jingthmu ban pynjah burom bad pynshun ia u, kaba lah ruh ban pynkha ia ka jingkulmar ka ban pynthut ia ka shongsuk shongsain.
“Ka Cyber Crime Police Station kala ioh pdiang ia ka khubor na ki Nongtrei jong kawei ka seng sain pyrthei ba ki briew kila buh ia ka dur jong uwei u Nongialam bad u Khun jong u ha ryngkat ka dur jong ka Video ba pyniaid lyngkhuit ia ki kynthei, ba ong ba ki dei kiba donkti ha lynti kane ka kam bymman, ia kaba la pynsaphriang ha ki rynsan social media” ong ki Heh Pulit.
Ki Pulit ka CCPS kila register case halor kane ka jingjia bd ka jingtohkit mynta kala iaid shakhmat.
Halor kane ka jingjia, ki Pulit kila kem ia 5 ngut ki briew kynthup uwei u Khynnah. Ka Iingkashari kala aipor 11 sngi ia ki Pulit ba kin pynlong ia ka jingtohkit.
