Imphal, Jymmang 18: Ki bor pahara ki la nang pynjur shuh shuh ïa ka jingkhynra ha kylleng ki bynta jong ka Churachandpur bad Kangpokpi district jong ka jylla Manipur hadien ka jingmih ki khubor ba la suba ba ki don ki lehnoh ha katei ka thaiñ.
Katkum ki pulit, ki bor pahara ki la nang pynkhlaiñ shuh shuh ïa ka jingpynkhreh bad ka jingpahara ha ka thaiñ Henglep jong ka Churachandpur distrik hapdeng ki jingtip ba bniah ha kaba ïadei bad ki kam lehnoh, ha ka sngi Nyngkong.
Katkum ka tyllong khubor ba la ioh lum na ki bor sorkar, la iathuh ba la pynlong ia ka jingkhynra ha ki jaka lum kiba don ha northwest jong ka shnong Leilon Vaiphei bad Kharam Vaiphei kiba hap hapoh ka Kangpokpi district.Ki bor pyniaid ki la pynpaw ba ki jingkhynra ki dang iai bteng.
Ha kajuh ka por, ki bor pahara ha ka 17 tarik u Jymmang ki la kem ïa uwei u dkhot jong ka seng lehnoh ba la shah khang pyrshah ka PREPAK ha ka por ba ki dang pynlong ka jingkhynra ha Imphal East district.
Une u briew uba la shah kem u dei uba la tip kyrteng kum u Laishram Jivan Singh (38 snem karta) uba shong ba sah ha Langmeidong.
La kem ia une u briew na Khabam Lamkhai Makha Leikai kaba hap hapoh u pud u sam jong ka Heingang Police Station ha Imphal East district.
Ki tyllong khubor ki la pynpaw ba ki lah ban sdang ïa ka jingkhynra kaba jur ha katei ka thain katba ki tnad pahara ki dang bteng ïa ka jingpeitngor bad ka jingkhynra ha kylleng ki jaka lum.
Ki bor pahara ki dang bteng ïa ka jingkhynra kaba jur ha ki jaka ba shah ktah namar ki jingpyrshang ki dang ïaid shakhmat ban lap ïa ki briew kiba jah bad ban pynphai biang ïa ka jinglong jingman ha ka suk ka sain.Ym shym ladon ba shah kem haduh ba thoh ia kane ka khubor.
