Imphal, K’lyngkot 25 : Wat hapdeng ka jingpahara kaba jur shuwa ka jingrakhe Republic Day, saw ngut ki briew kila mynsaw hadien ka jingbthep bomb ha Ukhrul District ka Manipur, hynne ka sngi Balang.
Kine ki briew ba mynsaw ki dei kiba la tip kyrteng kum u Manaowon (49), Dr Wonyao Kasar (35), Angayung Rizat (39), bad P. Leishingam (37).
Kat kum ka khubor, kane ka jingjia kala jia ha Community Circle (Gandhi Chowk), kaba don ha sor Ukhrul. Kane ka jingjia kala jia hynne ka por 5 baje janmiet.
Ki Pulit ki iathuh ba saw ngut ki briew kynthup kawei ka Kynthei, kiba dang jam ia ka surok na shiliang sha shiliang, kila mynsaw jur na ka jingbthei u suba bomb hand grenade.
“Lai ngut ki briew kila mynsaw na ki phngit bomb. La pynkit noh ia ki sha hospital bad baroh laingut kila lait na kino kino ki jingma” ong ki Pulit.
Na ka liang ki bor pahara, kila ket kut ia kane ka jaka ban pynlong ia ka jingtohkit.
“Ngim pat lah ban pynthikna ia ka daw halor kane ka jingbthep bomb. Ngi la sdang ia ka jingtohkit ia kaei kaba jia” ong ki heh Pulit.
