Imphal, Nohprah 15: Naduh ba mih ka jingiakynad bad ka jingia umsnam hapoh ka jylla Manipur ha ka 23 tarik u Jymmang 2023, kadei ka sien ba nyngkong eh ban iohi biang ia ki MLA jong ka Bharatiya Janata Party (BJP) kiba dei na ka jaitbynriew Meitei bad Kuki ha ka ban iadonlang ha ka jingialang kaba long ha New Delhi ha ka sngi u Blei da ka jingpyrshang ban pyniatylli bad ioh thaw sorkar noh hapoh ka jylla kaba la synshar President naduh u Rymphang mynta u snem.
Ka jylla Manipur, kala don ha ka President’s Rule naduh ka 13 tarik u bnai Rymphang hadien ka jingiehnoh kam u N Biren Singh, bad naduh kato ka por kala don ka jingkhih phaloh hapoh ka party BJP bad kala don ruh ka jingdawa ba jur na ki katto katne ki MLA bad ki nongialam ban leit kam ha ka ban ioh thaw Sorkar thymmai.
Ha kane ka jingialang kaba la long ha New Delhi la sakhi ia ka jingpyrshang jong ki MLA na kitei ki ar tylli ki jaitbynriew, kiba la ia long pyrshah naduh ba la mih ka jingia um snam. Katkum ka tyllong khubor jong ka BJP la iathuh ba ki nongialam ba rangbah jong ka party ne central leaders kila khot ia kane ka jingialang ka long ban donkam ia ka jingia trei lang na ka bynta ban wanrah ia suk ka sain bad ruh ban ioh biang ia ka sorkar hapoh ka jylla Manipur.
Kane ka jingialang kala wan hadien bun sien jong ka jingpynbeit kaba la long myn shem bnai ha Manipur, hapoh ka jingialam u National General Secretary jong ka BJP (Organisation) u B. L. Santhosh bad u Sambit Patra kiba la ia pynbeit bad ki nongialam jong ka jylla bad ki MLA.
Ki nongpeit pyrman jong ka sain pyrthei kila pynpaw ba ki hynniew ngut ki MLA ka BJP kiba dei na ka jaitbynriew Kuki kiba la dawa ban ban don noh la ka jong ka Union Territory ha ki jaka ba synshar bad ba bun ba shong basah da maki. Ka jingdon lang jong ki ha kane ka jingialang ka pyni ba kila kham pynsting ia ka nongrim ba ki ieng mynshwa.
Ha kaba iadei bad kane ka jingialang ym shym pat la pynbna rai eiei hynrei kane kala pyni ia ka jinglong iatylli bad la khmih lynti ban pynthymmai ia ka jingiakren ha ka sain pyrthei bad ruh ka lynti ban pynkut noh ia ka jingsynshar President’s Rule hapoh ka jylla Manipur.
 kiba dei na ka jaitbynriew Meitei bad Kuki ha ka ban iadonlang ha ka jingialang kaba long ha New Delhi ha ka sngi u Blei da ka jingpyrshang ban pyniatylli bad ioh thaw sorkar noh hapoh ka jylla kaba la synshar President naduh u Rymphang mynta u snem. ){kind=link}