Imphal, Risaw 11: Ka National Investigation Agency (NIA), kaba tohkit ia ka thma iapher Jaidynriew ha Manipur kala lap ia bun kiei kiei bad kala sei madan ruh ia kawei ka jingshem ba dei ki lai ngut ki kaikhlaw Kuki bad uwei u kaikhlaw Zomi kiba don ha lyndet ban pynshit ia kane ka kam iasumnam.
Hadien ba ka Ministry of Home Affairs (MHA) kala bthah ia ka NIA ba kan tohkit ia ka jingjia iaumsnam ha Manipur, ka NIA kala tohkit shaid shaid bad shem ba kine ki kynhun kaikhlaw ki dei kiba iakhun ban ioh ia ka Ri Chin-Kuki-Zomi kaba lait na ka Manipur, Bangladesh bad Myanmar.
Kine ki artylli ki kynhun kaikhlaw ki dei kiba don hapoh ka soskular Suspension of Operation (SoO) bad ka Sorkar Pdeng.
Kine ki kynhun kaikhlaw ki dei kiba la tip kum ka Kuki National Army (KNA), ka Zomi Revolutional Army (ZRA), Kuki National Front (Nehlun Faction) bad ka United Kuli Liberation Army (UKLA).
Baroh artylli ki kynhun kata ka KNA bad ka ZRA ki dei kiba don hapoh ka soskulat SoO. Ka MHA kala shong iakren iasuk bad ki nongmihkhmat jong kine ki kynhun kaikhlaw la bun snem mynta.
Shuwa ban khie ka thma iapher jaidbynriew, ka jingiakren kala pynleit jingmut ban poi noh sha ka jingiasuk bad kine ki kynhun jong ki paid riewlum ka Jylla Manipur.
Naduh u Jymmang, kine ki jingiakren kila pynleit jingmut ha kaban wanrah pat ia ka jinglong jai jai hapoh ka Jylla bad ban wad ia ka lynti iapynbeit noh ia kiei kiei baroh.
, kaba tohkit ia ka thma iapher Jaidynriew ha Manipur kala lap ia bun kiei kiei bad kala sei madan ruh ia kawei ka jingshem ba dei ki lai ngut ki kaikhlaw Kuki bad uwei u kaikhlaw Zomi kiba don ha lyndet ban pynshit ia kane ka kam iasumnam.){kind=link}