Imphal, Nailar 6: U Myntri Rangbah barim jong ka jylla Manipur u N. Biren Singh ha ka sngi Balang u la ong, ba la donkam ban jied noh ia ka sorkar ba pura hapoh ka jylla, kaba don mynta hapoh ka jingsynshar President naduh ka 13 tarik u bnai Rymphang mynta u snem 2025.
Kum ban shu kdew u Singh, u la ieh noh ia ka kam Myntri Rangbah ha ka 9 tarik u bnai Rymphang, kaba la pynbor ia u ban iehnoh na kane ka kam na ki daw jong ka jinglong jingman hapoh ka jylla.
“Baroh ki tip ia ka daw bad ki jinglong jingman kiba don ha lyndet jong ka jingpynjari ia ka jingsynshar President ha Manipur.Mynta la donkam ia ka sorkar kaba paidbah, ki briew jong ka jylla ki kwah namar ba ki paidbah kila ia kynduh jingeh shibun na ka jingbym don ka sorkar bad u la pynpaw ruh ba u kyrshan ia ka sorkar jong u paidbah naduh kaba sdang,” la ong u Singh.
Shuh shuh u la niew ba ka sorkar kaba la shah jied ka lah ban teh lakam ia ki mat da ki bor pyniaid district ha ka jingiatrei lang bad ki paidbah jong ka jylla.
Kham hashwa u Singh u la ong ba ki heh nongialam jong ka BJP ki dang bishar bniah ha kaba iadei bad ka jinglong jingman bad u la ong ruh ba kane ka jingpyrshang ka dang iaid ban thaw biang ia ka sorkar hapoh ka jylla.
