Imphal, Jylliew 23 : Ki Longkmie bad ki kynthei kila iamih paidbah ha ka sngi Palei bad khang lynti ia ka kynhun jong ka Central Bureau of Investigation (CBI) kaba wan ban tohkit ia ka jingshah tuh ki tiar siar napoh ka Manipur Police Training College kaba don ha Pangei.
Ki Longkmie ka shnong Pangei kiba don palat 2000 ngut, kila ieng khang lynti ha ka khyrdop jong ka Manipur Police Training College ha ka por 2 baje janmiet bad kila shong kyllain mungor hakhmat kane ka khyrdop ban nym ailad iano iano ruh ban rung shapoh.
Ka kynhun jong ka CBI kala wan poi ha Pangei ha ka por 3:30 baje janmiet hynrei kala hap ban phet noh na kane ka jaka namar ka jingbym ailad ki longkmie ba kin rung shapoh.
Lah ban kdew hangne ba ki paidbhur kila thombor ia ka MPTC Pangei bad rong tuh ia bun bah ki tiar siat lem bad ki kuli na ka jaka buh tiar siat ki Pulit ha kane ka thma iakynad jaidbynriew kaba la jia naduh ka 3 tarik u Jymmang.
Ki Pulit ka Heingang kila register case halor kane ka jingjia bad kila pynlong ia ka jingtohkit ban lap pat ia kine ki tiar siat kiba shah tuh.
Ka khubor kala iathuh ba kala don ruh ka jingtuh ia ki tiar siat da ki paidbhur Kuki na Kangpokpi Police Station ha ka 4 tarik u Jymmang, kaba long tang shisngi hadien ba mih ka jingiakynad, ia kaba lapynbud pat da kiba bun ki jingjia tuh tiat siat na ki Polic Station, ki Battalion bad kiwei kiwei ki jaka.
Ka kynhun CBI kala poi ha Heingang Police Station ha ka sngi Balang ha kaba kila buh ia ka miej ban lum ia baroh ki kot ki sla bad ki jingtip ha kaban pynthikna ba haduh katno tylli ki tiar siat kila shah tuh bad haduh tylli la ioh ban kurup pat.
 kaba wan ban tohkit ia ka jingshah tuh ki tiar siar napoh ka Manipur Police Training College kaba don ha Pangei.){kind=link}