Itanagar, Jylliew 23: Namar ka jingslap ba khlem sangeh bad ka jingtwa khyndew kaba la nang jur, ki lad pyniasoh ha kiba bun ki District ka Arunachal Pradesh kila dkut bad pynsangeh syndon ia ka leit ka wan ki paidbah.
Kat kum ka khubor, ka surok Aalo-Pangin kaba don ha West Siang District ka Arunachal Pradesh ka dei kaba shah ktah jur eh ha ka jingtwa khyndew.
Ka jingtwa khyndew kala pakhang lynti ia ka surok ha kumba 4 tylli ki jaka kiba don marjan ka Lokpeng jong ka Siang District. Kumjuh ruh ka surok Pangin-Pasighat kaba don marjan ka Pasighat kala shah ktah ha ka jingtwa khyndew na ka jingther u slap.
Nalor kane, la iathuh ba ka jingdkut ka lad pyniasoh (surok) kala jia ruh ha ka surok Pasighat-Mebo-Bomjur-Dambuk kaba don marjan ka Sissar, Arunachal Pradesh.
Ki bor Sorkar ka Jylla kila phah ia ki kynhun bapher bapher ban leit pynkhuid ia kine ki khyndew ha kine ki surok kiba kongsan ka Jylla khnang ba kan bteng leit ka leit ka wan ki paidbah.
Pule ruh: Assam : Kiew 5 lak ki briew ba shah ktah ha ka jingshlei um, iap uwei ha Udalguri
