Imphal, K’Lyngkot 21: Ki bor pahara ha Manipur ki la ioh kurup bad pyniap ia jingtreikam ki lai tylli ki bomb Improvised Explosive Devices (IED) ha shilynter ka khappud Indo-Myanmar shwa ban rakhe ia ka Republic Day, la iathuh ki pulit ha ka sngi Ba-ar.
Ia ki IED la lap ha ka por ba don ka jingtalasi kaba jur ia ka jaka bad ka jingpynkhuid hajan ki Border Pillars 72–73.Ki ophisar kila iathuh ba ia ki tiar pynbthei la weng da kaba suk ha ka jaka ba kyndong bha.
“Ha ka jingiaid pahara man ka por, ki bor pahara ki la lap ia ki bom IED kiba la buhrieh ha khappud”, ong uwei u heh pulit.
Ki bor ba dei khmih ki la pynpaw ba kane ka operation ka dei shi bynta jong ki lad jingïada kiba pynkhlaiñ kiba thmu ban khanglad ïa ka jingwan rung tuh na shabar jong u pud u sam bad ka jingpynjot kaba lah ban jia ha ka thaiñ kaba donkam bha.
Ki bor pahara ki la pynjur ïa ka jingkhynra ha khappud Indo-Myanmar ha kaba ïadei bad ka Republic Day, namar ba ki kynhun lehnoh ha ki por ba la dep ki la pyrshang ban pynthut ïa ki jingrakhe jong ka ri.Kum kine ki kynhun ki ju khot ban khanglad ne boycotts ha ka sngi Republic Day bad ka Independence Day bad bunsien ki pynjur ia ki kam jong ki ha kane ka por.
 ha shilynter ka khappud Indo-Myanmar shwa ban rakhe ia ka Republic Day, la iathuh ki pulit ha ka sngi Ba-ar.){kind=link}