Imphal, Jylliew 01 : Ka Manipur kala don hapdeng ka jingshlei um kaba shyrkhei hadien ka jingthep u lapbah ha kine ki ar-lai sngi bala leit noh, kaba la ktah ia palat 2 lak ngut ki briew bad 348 tylli ki Shnong jong ki phra tylli ki District ka Jylla.
Ha kane ka jingshlei um, ka Iingsah u Myntri Rangbah ka Jylla Biren Singh bad ka Iingsah u Lat ka Jylla Raj Bhavan kynthup ka Ophis bad Secretariat, ki jaka sah ki nongtrei, kila shah tap haduh khohsiew ha ka um kaba shlei.
Haduh 3 ngut ki briew kila iap na ki jingjia shlei um haduh mynta bad uwei pat ula jah rngai nalor 10 ngut kiba mynsaw.
Ka Sorkar kala buh haduh 56 tylli ki ktem ai jingiarap bad palat 20,000 ngut ki briew kila poi riehtngen ha kine ki jaka.
Kat kum ka khubor, haduh 434 hectare ki jaka rep kila sahh ktah bad ki jingtwa khyndew kila jia ha kylleng ki jaka jong kane ka Jylla.
